नवी दिल्ली - काँग्रेस पक्षापाठोपाठ आज आम आदमी पक्षाने विधानसभा निवडणुकीसाठी जाहीरनामा आणला. आम आदमी पक्षाने दिल्लीकरांना उच्च दर्जाचे शिक्षण, आरोग्य सुविधा, स्वच्छ पाणी आणि चोवीस तास वीज देण्याचे आश्‍वासन दिले आहे. 

ताज्या बातम्यांसाठी डाऊनलोड करा ई-सकाळचे ऍप

दिल्लीचे मुख्यमंत्री अरविंद केजरीवाल, उपमुख्यमंत्री मनीष सिसोदियासह अन्य नेत्यांच्या उपस्थितीत आपचा दिल्ली विधानसभेसाठीचा जाहीरनामा प्रसिद्ध करण्यात आला. जाहीरनाम्यात समाजातील सर्व घटकांचा समावेश करण्याचा प्रयत्न केल्याचे केजरीवाल म्हणाले. मनीष सिसोदिया म्हणाले, दिल्ली आणि यमुनेला स्वच्छ करण्यात येईल, दिल्लीला प्रदूषणमुक्त करणे, चांगली आरोग्य सुविधा दिली जाईल, तसेच लोकपाल विधेयक मंजूर करण्यासाठी आम आदमी पक्षाचा संघर्ष सुरू राहील. घरपोच रेशन धान्य सुविधा, कर्तव्यावर असताना सफाई कामगाराचा मृत्यू झाल्यास एक कोटीची नुकसानभरपाई आदी आश्‍वासनांचा जाहीरनाम्यात समावेश आहे. 

'एक दिवस ओवेसीही म्हणतील हनुमान चालिसा'

मुख्यमंत्रिपदाचा उमेदवार कोण
आम्हीही जाहीरनामा प्रसिद्ध केला असून, भाजपनेदेखील केला आहे. या घोषणांवर चर्चा व्हायला हवी; परंतु जनतेला भाजपकडून मुख्यमंत्रिपदाचा चेहरा कोण आहे, हे जाणून घ्यायचे आहे. भाजपला दिलेले मत कोणाला जाईल, याचे उत्तर जनतेला हवे आहे. जर भाजपने उद्या दुपारी एकपर्यंत मुख्यमंत्रिपदाचा उमेदवार जाहीर केला तर आम्ही चर्चा करू. नाही तर उद्या आपण इथेच भेटू, असे केजरीवाल पत्रकारांना म्हणाले.