Mukhtar Ansari News  esakal
देश

Mukhtar Ansari : डझनभर खटले, ७५ हजारांचं बक्षीस, अनेक वर्षांपासून फरार; कुठे आहे मुख्तार अन्सारीची पत्नी अफशा?

Mukhtar Ansari Crime News: अफशा अन्सारीवर शोध सुरू; गँगस्टरच्या पत्नीवर गुन्हे आणि बक्षीसाची घोषणा

संतोष कानडे

Mukhtar Ansari News : गँगस्टर मुख्तार अन्सारीच्या मृत्यूनंतर अनेक प्रश्न उपस्थित होत आहेत. मागच्या अनेक वर्षांपासून फरार असलेली त्याची पत्नी अफशा अन्सारी आतातरी समोर येईल की नाही? अफशावर पोलिसांनी बक्षीस घोषित केलेलं आहे. मागच्या अनेक दिवसांपासून पोलिस अफशाच्या मागावर आहेत. तिच्यावर डझनभर खटले दाखल असून गँगस्टर अॅक्टनुसार तिच्यावर कारवाई करण्यात आलेली आहे.

तिच्यावर अनेक फसवणुकीचे गुन्हे, जमीन बळकावल्याची प्रकरणं, सरकारी जमिनी हडप करणे अशी प्रकरणं दाखल आहेत. शिवाय बळजबरीने रजिस्ट्री केल्याची केस तिच्यावर दाखल आहे.

सांगितलं जातंय की, मुख्तार अन्सारी जेव्हा २००५ मध्ये जेलमध्ये गेला तेव्हा अफशाने गँगची सूत्र हाती घेतली होती. लग्नापूर्वी अफशावर कोणतीही केस दाखल नव्हती. परंतु आता गँगस्टर अॅक्टनुसार वेगवेगळे गुन्हे तिच्यावर दाखल आहेत.

अफशा ही गाझीपूर जिल्ह्यातील युसूफपूर मोहम्मदाबात येथील दर्जी मोहल्ला येथील राहणारी आहे. काही वर्षांपूर्वी मऊ येथील रेली गावाजवळ तिने विकास कन्स्ट्रक्शन नावाने फर्म बनवून जमीन घेतली. त्यावर तिने एक गोदाम उभं केलं. त्या गोदामाला भाड्याने एफसीआयला दिलं होतं. ही फर्म पाच लोकांच्या नावावर रजिस्टर्ड होती. ज्यात मुख्तार अन्सारीची पत्नी अफशा, त्याचे दोन्ही मेव्हणे अनवर सहजाद आणि आतिफ रजा तसेच रविंद्र नारायण सिंह, जाकिर हुसैन उर्फ विक्की यांचा सहभाग होता.

महसूल विभागाच्या तपासणीमध्ये आढळून आलं की, विकास कन्स्ट्रक्शन फर्मने अनुसूचित जातीसाठी दिलेली जमीन चुकीच्या पद्धतीने आपल्या नावावर केली. त्याशिवाय काही इतर लोकांची जमिनी चुकीच्या पद्धतीने लाटल्या. या प्रकरणाची तत्कालीन तहसीलदार पीसी श्रीवास्तव यांनी चौकशी केली. याच प्रकरणात अफशावर कारवाई झाली आणि तिच्यावर बक्षिसाची रक्कम घोषित करण्यात आली.

मुख्तार अन्सारीचा मृत्यू

उत्तर प्रदेशातील कुख्यात गँगस्टर आणि राजकीय नेता मुख्तार अन्सारी याचा तुरुंगातच तीव्र हृदविकाराच्या झटक्यानं मृत्यू झाला. छातीत अत्यंत वेदना होऊ लागल्यानं तातडीनं त्याला बांदा इथल्या सरकारी रुग्णालयात उपचारांसाठी दाखल करण्यात आलं होतं. पण रुग्णालयात दाखल केल्यानंतर लगेचच त्याची प्राणज्योत मालवली.

कोण हाता मुख्तार अन्सारी?

  • मुख्तार अन्सारी हा समाजवादी पार्टीकडून पाच वेळा आमदार राहिला होता.

  • त्याच्यावर ६१ हत्येचे, खंडणीचे आणि जमीन बळकावण्याचे गुन्हे दाखल होते.

  • कॉन्ट्रॅक्टर सच्चिदानंद राय यांच्या हत्येचा गुन्हा अन्सारीवर होता.

  • त्याचबरोबर काँग्रेस नेते अवधेश राय यांची त्यानं काशी इथं हत्या केली होती.

  • भाजपचा आमदार कृष्णानंद राय यांच्यावर अन्सारी यानं २१ गोळ्या झाडल्या होत्या.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

ESIC New Rules 2026 : कर्मचाऱ्यांसाठी मोठी बातमी! आजारपण आणि प्रसूती लाभांसाठी अर्जाची गरज नाही; पैसे थेट बँक खात्यात जमा होणार

Gadchiroli History: गडचिरोलीच्या घनदाट जंगलात इतिहासाचा खजिना! १६व्या-१७व्या शतकातील ५० वीरगळांचा शोध, शूरवीरांच्या पराक्रमाची शिल्पे उजेडात

IND A vs PAK A: भारत पाकिस्तान सामन्यात टॉसवेळी नेमकं काय घडलं? होत, मॅच रेफ्रींच्या चुकीमुळे वाद, पाकिस्तानी चाहत्यांनी केले आरोप

Water Security 2051 : पुणे महानगर प्रदेशाच्या पाणीपुरवठ्याचे दीर्घकालीन नियोजन; जलसंपदा विभागाचा २०५१ पर्यंतचा जलसुरक्षा आराखडा तयार होणार

Palodwadi Robbery: पालोदवाडीत चार चोरट्यांचा धुमाकूळ; चार घरांवर दरोडा, महिलांच्या गळ्याला चाकू लावून ३.३२ लाखांचा ऐवज लुटला

SCROLL FOR NEXT