नवी दिल्ली : कोरोनाचा भारतीय व्हेरियंट जगातील इतर देशांमध्येही पसरत असल्याचा दावा जागतीक आरोग्य संघटनेनं (WHO) केला आहे. आजवर १७ देशांमध्ये कोरोनाचं हे भारतीय रुप आढळून आल्याची पुष्टी झाली आहे. गेल्या आठवड्यात जगभरात कोरोनाचे ५७ लाख प्रकरणं समोर आली आहेत. यामध्ये हा भारतीय प्रकार आढळून आल्याचं WHO नं म्हटलं आहे.
WHOने मंगळवारी आपल्या साप्ताहिक बुलेटिनमध्ये सांगितलं की, "SARS Cov-2 चा (कोविड-१९) B-1.617 हा प्रकार भारतात कोरोनाचं संक्रमण वाढण्यास कारणीभूत असल्याचं मानलं जात आहे. WHOच्या बुलेटिनप्रमाणं २७ एप्रिलपर्यंत GISAID मध्ये सुमारे १२०० सिक्वेन्स अपलोड करण्यात आले यामध्ये कोरोनाची वंशावळ असलेला B-1.617 विषाणू कमीत कमी १७ देशांमध्ये आढळल्याचं सांगण्यात आलं. GISAID ची स्थापना २००८ मध्ये करण्यात आली होती. हे एक प्रकारचं रजिस्टर असून यामध्ये इन्फ्लुएन्जा विषाणू आणि कोविड-१९ जागतीक महामारीसाठी जबाबदार असलेल्या कोरोना विषाणूंचा जीनोम डेटा सर्वांना खुला उपलब्ध असतो.
कोरोनाचा भारतीय प्रकार जास्त संक्रामक
WHO च्या अहवालात म्हटलंय की, B-1.617 हा प्रकार भारतातील इतर प्रकारांच्या तुलनेत अधिक वेगानं विकसित होत असून जो जास्त संक्रमणकारी आहे. त्याचबरोबर सध्या कोरोनाचे जे नवे व्हेरियंट आढळून येत आहेत ते देखील जास्त संक्रमणकारी आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.