जगातील सुमारे ७० टक्के लोकांचे लसीकरण झाल्यास यावर्षी जून ते जुलैपर्यंत कोरोना साथीच्या रोगाचा तीव्र टप्पा संपू शकतो, असे जागतिक आरोग्य संघटनेचे (डब्ल्यूएचओ) प्रमुख म्हणाले. आम्ही याचीच अपेक्षा करीत आहोत. ते आपल्या हातात आहे. ही संधीची बाब नाही. ही निवडीची बाब आहे, असेही ते म्हणाले.

जागतिक आरोग्य संघटनेचे (WHO) प्रमुख टेड्रोस ॲधानोम गेब्रेयसस दक्षिण आफ्रिकेत Afrigen Biologics and Vaccines च्या भेटी दरम्यान बोलत होते. त्यांनी मॉडरेनाच्या अनुक्रमाचा वापर करून आफ्रिकेत पहिली एमआरएनए कोरोना लस तयार केली आहे. आम्ही अपेक्षा करतो की ही लस त्या संदर्भांसाठी अधिक अनुकूल असेल ज्यामध्ये ती कमी स्टोरेज मर्यादांसह आणि कमी खर्चात वापरली जाईल, असेही ते (Tedros adhanom ghebreyesus) म्हणाले.

नोव्हेंबरमध्ये क्लिनिकल चाचण्यांसाठी ही लस तयार होईल. २०२४ मध्ये मान्यता अपेक्षित आहे. Afrigen WHO आणि COVAX उपक्रमांद्वारे समर्थीत पायलट प्रकल्पाचे नेतृत्व करीत आहे. केवळ ११ टक्के आफ्रिकन लोकांना लसीकरण करण्यात आले आहे, जो जगातील सर्वांत कमी दर आहे. गेल्या आठवड्यात डब्ल्यूएचओच्या आफ्रिका कार्यालयाने सांगितले की, ७० टक्के लक्ष्य गाठण्यासाठी लसीकरण दर सहा टक्के वाढवण्याची आवश्यक आहे.