नवी दिल्ली : दिल्लीचे मुख्यमंत्री आणि आम आदमी पार्टीचे संघटक अरविंद केजरीवाल हे सध्या अडचणीत आले आहेत. दिल्लीच्या मुख्यमंत्र्यांसाठीच्या नव्या निवासाची आणि डागडुजीच्या कामांची सीबीआय चौकशी करणार आहे. पण या चौकशीत काहीही आढळलं नाही तर पंतप्रधान नरेंद्र मोदी राजीनामा देणार का? असा सवाल केजरीवाल यांनी केला आहे. (Will PM Modi resign Arvind Kejriwal question on Delhi CM residence CBI enquiry)

केजरीवालांनी सोडलं मौन

मुख्यमंत्री निवास सीबीआय चौकशी प्रकरणावर अरविंद केजरीवाल यांनी गुरुवारी या प्रकरणावरुन मौन सोडलं. भाजपनं आरोप केला होता की या कामासाठी ४५ कोटी रुपये खर्च करण्यात आले. दिल्लीचे नायब राज्यपाल यांनी देखील याबाबत सीबीआयकडं तक्रार अर्ज केला होता. (Latest Marathi News)

कोणासमोरही झुकणार नाही

केजरीवाल म्हणाले, सीबीआयच्या चौकशीचं स्वागत आहे, कारण त्यांना या चौकशीत काहीही चुकीचं आढळणार नाही. या प्रकरणाची चौकशी पहिल्यांदाच होत नाहीए. त्यामुळं अशा प्रकारच्या कितीही फेक चौकशा झाल्यातरी मी कोणासमोरही झुकणार नाही. (Marathi Tajya Batmya)

मोदी अस्वस्थ झालेत

पंतप्रधान सध्या अस्वस्थ झाले आहेत, माझ्याविरोधात ही पहिली चौकशी नाही. त्यांनी यापूर्वीच ५० हून अधिक चौकशा केल्या आहेत. काहीवेळा त्यांना वाटलं होतं की आमच्या दारु धोरणात घोटाळा झाला आहे. त्यानंतर बसेस, शाळा आणि रस्त्यांतही घोटाळा झाल्याचं ते सांगत आहेत.