प्रयागराज: लग्न (wedding) हा कुठल्याही मुलीच्या आयुष्यातील आनंदाचा क्षण असतो. तिने या दिवसासाठी काही स्वप्न पाहिलेली असतात. वधू आणि वर या दोघांसाठी हा दिवस खास असतो. नवरीमुलीला आपल्या भावी जोडीदाराकडून काही अपेक्षा असतात. पण काहीवेळा भ्रमनिरास होतो. उत्तर प्रदेशच्या प्रयागराजमध्ये लग्न लागण्याच्या काही वेळ आधी नवरदेवाचा खरा चेहरा वधूच्या समोर आला, आणि त्यानंतर तिने क्षणाचाही विलंब न लावत लग्न मोडण्याचा (break marriage) निर्णय घेतला. (Woman calls off wedding after groom his friends turn up drunk baraatis held hostage)

विवाह मंडपात काय घडलं?

लग्नाची जोरात तयारी सुरु असताना नवरदेव त्याच्या मित्रपरिवारासह दारु पिऊन तिथे पोहोचला. नवरदेव आणि त्याचे मित्र दारु पिऊन विवाहमंडपात आले. त्यांची थट्टा मस्करी सुरु होती. त्याकडे नवरीमुलगी आणि तिच्या कुटुंबीयांनी दुर्लक्ष केले. पण 'जयमाला' विधीच्याआधी नवरदेवाने नवरीमुलीला त्याच्यासोबत नृत्य करण्यासाठी जबरदस्ती केली. त्यावेळी मात्र परिस्थिती बिघडली. नवरीच्या नकाराने नवरदेवाला राग आला व विवाह मंडपातच वाद सुरु झाला.

नवरदेवाच्या वर्तनामुळे नवरी मुलीने लग्न मोडले व वरासह त्याच्या कुटुंबीयांना बंधक बनवून ठेवलं. लग्न ठरलं, त्यावेळी दिलेल्या भेटवस्तू परत करण्याची मागणी केली. नवरदेवाकडच्या माणसांनी पोलिसांना बोलवलं. त्यांच्याकडे मध्यस्थीची मागणी केली. पण नवरी ऐकायला तयार नव्हती.

प्रयागराजमधील प्रतापगड शहरातील तिकरी गावात ही घटना घडली. तिकरी गावातील शेतकऱ्याने रविंद्र पटेल नावाच्या मुलाबरोबर मुलीचे लग्न ठरवले होते. नवरदेवाच्या कुटुंबीयांनी रोख रक्कम आणि भेटवस्तु परत करण्याची तयारी दाखवल्यानंतर हा वाद मिटला.