उत्तर प्रदेशातील भाजप खासदार आणि भारतीय कुस्ती महासंघाचे अध्यक्ष ब्रिजभूषण शरण सिंह यांनी मोठे वक्तव्य केले आहे. ब्रिजभूषण यांनी त्यांच्या फेसबुक अकाऊंटवर एक निवेदन जारी केले आहे.

नार्को टेस्ट, पॉलीग्राफ टेस्ट किंवा लाय डिटेक्टर टेस्ट करायला तयार असल्याचं त्याने म्हटलं आहे, पण विनेश फोगट आणि बजरंग पुनिया यांचीही टेस्ट व्हायला हवी, अशी त्यांनी अट ठेवली आहे.

ब्रिजभूषण म्हणाले, "जर विनेश फोगट आणि बजरंग पुनिया त्यांची टेस्ट करायला तयार असतील. तर त्यांनी पत्रकार परिषदेत ही माहिती द्यावी. मी त्यांना वचन देतो की मी देखील यासाठी तयार आहे. ब्रिजभूषण शरण सिंह याआधीही आपल्या मतावर ठाम होते, आजही ठाम आहेत आणि नेहमीच राहतील."

भाजप खासदार ब्रिजभूषण यांच्यावर कुस्तीपटूंनी लैंगिक शोषणाचा आरोप केला आहे. कुस्तीपटूंच्या तक्रारीवरून भाजप खासदारावर दोन गुन्हे दाखल करण्यात आले आहेत. दिल्ली पोलिसांनी दाखल केलेल्या गुन्ह्याचा तपास सुरू आहे.