बंगळूर : राज्यातील दहावी (एसएसएलसी) परीक्षा-१ चा निकाल (10th Exam Result) आज (ता. ९) जाहीर केला जाईल. कर्नाटक शाळा परीक्षा व मूल्यमापन मंडळाने प्रसिद्धी पत्रकात म्हटले आहे की, विद्यार्थी आज सकाळी १०-३० नंतर https://karresults.nic.in या वेबसाइटवर निकाल पाहू शकतात.

कर्नाटकातील दहावी परीक्षा २५ मार्च ते ६ एप्रिल दरम्यान झाली होती. यावेळी एसएसएलसी परीक्षेसाठी (SSLC Exam) ८.६९ लाख विद्यार्थ्यांनी नोंदणी केली. त्यापैकी ४.४१ लाख मुले आणि ४.२८ मुलींनी परीक्षा दिली.

याशिवाय १८,२२५ खासगी विद्यार्थी, ४१,३७४ रिपिटर विद्यार्थी आणि ५,४२४ दिव्यांग विद्यार्थ्यांनीदेखील परीक्षा दिली. कर्नाटकातील एकूण २,७५० परीक्षा केंद्रांवर विद्यार्थ्यांनी परीक्षा दिली.