सोलापूर : बॅंक ऑफ बडोदा (Bank of Baroda - BOB) ने विविध पदांसाठी अर्ज मागवले आहेत (Recruitment). या अंतर्गत बॅंकेला सिनिअर रिलेशनशिप मॅनेजर आणि ई-वेल्थ रिलेशनशिप मॅनेजर या पदांसाठी अर्ज मागवण्यात आले आहेत. या पदांसाठी अर्ज भरण्याची प्रक्रिया सध्या सुरू असून अर्ज करण्याची अंतिम तारीख 9 डिसेंबर 2021 आहे. आता नोंदणीसाठी अवघे काही दिवस शिल्लक असताना, अर्जदारांनी त्वरित अर्ज भरावा. उमेदवारांनी हे लक्षात ठेवावे की, अर्ज करण्यासाठी शेवटच्या वेळेपर्यंत वाट पाहू नका, कारण अधिकृत पोर्टलवरील लोड वाढल्यामुळे त्यांना अनेक वेळा फॉर्म भरण्यात अडचणी येऊ शकतात.

बॅंक ऑफ बडोदाने जारी केलेल्या अधिसूचनेनुसार, एकूण 376 रिक्त पदांपैकी सिनिअर रिलेशनशिप मॅनेजरच्या 326 पदे आणि ई-वेल्थ रिलेशनशिप मॅनेजरच्या 50 पदांसाठी भरती होणार आहे. जारी केलेल्या अधिसूचनेनुसार, बॅंक ऑफ बडोदाच्या वेल्थ मॅनेजमेंट सर्व्हिसेस विभागात या रिक्त पदांसाठी भरती मोहीम आयोजित केली जात आहे. ऑनलाइन अर्ज प्रक्रिया 19 नोव्हेंबर 2021 पासून सुरू झाली आहे.

ही आहे वयोमर्यादा

सिनिअर रिलेशनशिप मॅनेजर पदासाठी पात्र उमेदवारांची वयोमर्यादा किमान 24 वर्षे आणि कमाल 35 वर्षे असावी. ई-वेल्थ रिलेशनशिप मॅनेजर पदासाठी उमेदवाराचे वय 23 ते 35 वर्षे दरम्यान असावे. तथापि, राखीव प्रवर्गातील उमेदवारांसाठी वयोमर्यादेत शिथिलता असेल.

असे असेल अर्जासाठी शुल्क

सीनिअर रिलेशनशिप मॅनेजर आणि ई-वेल्थ मॅनेजर या पदांसाठी अर्ज करणाऱ्या जनरल आणि ओबीसी उमेदवारांना 600 रुपये तर SC, ST, PWD आणि महिला उमेदवारांना अर्ज फी म्हणून 100 रुपये भरावे लागतील. या भरती प्रक्रियेशी संबंधित अधिक माहितीसाठी उमेदवारांना अधिकृत वेबसाइटला भेट द्यावी लागेल.