पुणे : महाराष्ट्र राज्यातील अनुसूचित जातीचे जे उमेदवार संघ लोकसेवा आयोग- नागरी सेवा व्यक्तिमत्व चाचणी 2020 साठी पात्र ठरले आहेत, अशा उमेदवारांना एकरकमी आर्थिक सहाय्य देण्यात येणार आहे. पात्र अनुसूचित जातीच्या उमेदवारांना एकरकमी रक्कम 25 हजार रुपये आर्थिक सहाय्य बार्टीमार्फत दिले जाईल. उमेदवार महाराष्ट्रातील रहिवासी आणि अनुसूचित जातीचा असावा. उमेदवार लोकसेवा आयोग नागरी सेवा व्यक्तिमत्व चाचणी परीक्षा-2020 करिता पात्र असावा.

- पॉलिटेक्निकनंतर नोकरी करायची म्हणताय? मग जाणून घ्या तुमच्या ब्रान्चमधील नोकरीच्या संधी​

अर्ज करण्यासाठी बार्टीच्या संकेतस्थळावरील अर्ज भरावा. अर्जासोबत जातीचा दाखला, जात वैधता प्रमाणपत्र, डोमेसाईल प्रमाणपत्र, उमेदवारांचे बँक खाते क्रमांक (पासबुकच्या प्रथम पृष्ठाची प्रत) आणि त्यासोबत संघ लोकसेवा आयोग- नागरी सेवा मुख्य परीक्षा 2020 चे प्रवेश पत्राच्या स्व-साक्षांकित प्रती अपलोड कराव्यात. कागदपत्र स्व-साक्षांकित असणे बंधनकारक आहे. अर्ज भरण्याची अंतिम तारीख 20 एप्रिल 2021 आहे. पात्र उमेदवारांनी अधिक माहिती साठी 020- 26343600 किंवा 26333339 या क्रमांकावर संपर्क साधावा.

- Govt Jobs: SSCकडून 40 हजार जागांसाठी निघाली बंपर भरती​

“बार्टीमार्फत पात्र विद्यार्थ्यांसाठी मॉक इंटरव्यू घेतला जाईल. याबाबत सविस्तर सूचना ई-मेल द्वारे कळविण्यात येईल,” अशी माहिती बार्टीमार्फत देण्यात आली.

- अर्ज करण्यासाठी येथे ► क्लिक करा

- एज्युकेशन जॉब्ससंबंधी बातम्या वाचण्यासाठी येथे ► क्लिक करा

(Edited by: Ashish N. Kadam)