सोलापूर : केंद्रीय माध्यमिक शिक्षण मंडळाने (Central Board of Secondary Education - CBSE) टर्म एक परीक्षेबाबत मोठा निर्णय घेतला आहे. त्यानुसार टर्म एक परीक्षा ऑफलाइन घेतली जाईल. त्याचबरोबर इयत्ता दहावी, बारावीची डेट शीट 18 ऑक्‍टोबर रोजी जारी केली जाईल. बोर्डाने सांगितले की, किरकोळ विषयांची परीक्षा प्रथम घेतली जाईल, त्यानंतर प्रमुख विषयांची परीक्षा घेतली जाईल.

बोर्डाने म्हटले आहे, की सर्व परीक्षा ऑफलाइन असतील. त्याचबरोबर पीटीआयनेही ट्‌विट करून या संदर्भात माहिती दिली आहे. यानुसार, इयत्ता दहावी - बारावीसाठी टर्म- 1 बोर्ड परीक्षा ऑफलाइन घेतली जाईल. तर सीबीएसई 18 ऑक्‍टोबर रोजी डेटशीट जारी करेल.

टर्म 1 परीक्षेसंदर्भात मंडळाने सांगितले आहे की, प्रत्येक परीक्षा 90 मिनिटांच्या कालावधीची असेल. हिवाळी अधिवेशन लक्षात घेऊन परीक्षा सकाळी 10.30 ऐवजी सकाळी 11.30 वाजता सुरू होईल, असे मंडळाने म्हटले आहे. त्याचवेळी सर्व श्रेणीतील विद्यार्थ्यांच्या वाचनाची वेळ 15 मिनिटांऐवजी 20 मिनिटे असेल. प्रात्यक्षिक परीक्षा टर्म परीक्षा संपण्यापूर्वी घेण्यात येतील. याशिवाय दहावी, बारावीचा निकाल दुसऱ्या सत्राच्या परीक्षेनंतर जाहीर केला जाईल.

यंदा सीबीएसई बोर्डाने शैक्षणिक सत्राचे दोन भाग केले आहेत. त्याचवेळी, प्रत्येक सत्रात सुमारे 50 टक्‍के अभ्यासक्रम विचारला जाईल. खरे तर, कोव्हिड- 19 च्या प्रादुर्भावामुळे गेल्या वर्षी दहावी आणि बारावीच्या परीक्षा होऊ शकल्या नाहीत. अशा परिस्थितीत या वेळी कोरोनाच्या तिसऱ्या लाटेची भीती लक्षात घेता, बोर्डाने जुलैमध्ये सांगितले होते की, बोर्डाकडून दहावी आणि बारावीच्या परीक्षा घेण्याची शक्‍यता वाढवण्यासाठी अभ्यासक्रमाचे दोन भागांमध्ये विभाजन करून परीक्षा आयोजित करण्याचा निर्णय घेण्यात आला.