पुणे - केंद्रीय माध्यमिक शिक्षण मंडळातर्फे (सीबीएसई) डिसेंबरमध्ये घेण्यात आलेल्या केंद्रीय शिक्षक पात्रता परीक्षेचा निकाल जाहीर झाला आहे. या परीक्षेत पेपर एकमध्ये पाच लाख ७९ हजार ८४४ उमेदवार, तर पेपर दोनमध्ये तीन लाख ७६ हजार २५ उमेदवार पात्र ठरले आहेत.
सीबीएसईतर्फे २८ डिसेंबर ते ७ फेब्रुवारी दरम्यान ऑनलाइन पद्धतीने ही परीक्षा घेण्यात आली. उमेदवारांना परीक्षेचा निकाल ‘ https://ctet.nic.in’ किंवा ‘https://cbse.nic.in’ या संकेतस्थळावर पाहता येणार आहे. उमेदवारांची गुणपत्रिका आणि प्रमाणपत्र लवकरच डिजी लॉकरमध्ये अपलोड करण्यात येईल. उमेदवारांना त्यांनी परीक्षेच्या अर्जात नमूद केलेल्या मोबाईल नंबरचा वापर करून ‘डिजी लॉकर’मधून गुणपत्रिका आणि प्रमाणपत्र अपलोड करता येणार आहे.
सीटीईटी परीक्षेतील ‘पेपर एक’साठी देशभरातून १७ लाख ४ हजार २८२ उमेदवारांनी नोंदणी केली होती. त्यातील १४ लाख २२ हजार ९५९ उमेदवारांनी प्रत्यक्ष परीक्षा दिली असून त्यापैकी पाच लाख ७९ हजार ८४४ उमेदवार पात्र ठरले आहेत. तर परीक्षेतील ‘पेपर दोन’साठी १५ लाख ३९ हजार ४६४ उमेदवारांनी नोंदणी केली.
तर १२ लाख ७६ हजार ७१ उमेदवारांनी प्रत्यक्ष परीक्षा दिली. त्यातील तीन लाख ७६ हजार २५ उमेदवार पात्र ठरले आहेत. उमेदवारांना सीटीईटी किंवा सीबीएसईच्या संकेतस्थळावर हा निकाल पाहता येणार आहे, अशी माहिती सीटीईटी संचालकांच्या वतीने देण्यात आली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.