मुंबई : दिवाळी (Diwali Festival) तोंडावर आलेली असताना शिक्षण विभागातील (Education System) तांत्रिक त्रुटीमुळे (technical error) मुंबईसह राज्यातील अनुदानित शाळांतील (Granted school) लाखो शिक्षक शिक्षकेतर यांचे सप्टेंबर महिन्यातील वेतन (teacher salary) अद्याप होऊ शकले नाही. यामुळे शिक्षक संघटनांनी (teachers union) यावर तीव्र नाराजी व्यक्त केली आहे.

मागील दोन वर्षांपासून शिक्षक व शिक्षकेतर कर्मचाऱ्यांना वेळेवर वेतन मिळत नसून कधी अनुदान नाही तर कधी कर्मचारी नाहीत तर कधी तांत्रिक अडचणींमुळे शिक्षकांचा पगार वेळेवर होण्यास अडचणी येत असल्याचे शिक्षक परिषदेचे कार्यवाह शिवनाथ दराडे यांनी सांगितले.शिक्षकांचा सप्टेंबर २०२१ चा पगार होण्यासाठी तांत्रिक त्याचा फटका शिक्षकांना बसत आहे. या महिन्यात वेतन अनुदान उपलब्ध होते मात्र तांत्रिक अडचण आली आणि पगार लटकला.

दहा दिवसांपूर्वीच शिक्षक आमदार नागोराव गाणार यांनी शिक्षण विभागाकडे पगाराविषयी संपर्क साधला होता. शिक्षण संचालक यांनीही आमदार गाणार यांच्या पत्रांची दखल घेऊन शासनास कळवले होते. पण वेतन तिढा सुटलेला नाही. दिवाळीसाठी आक्टोबर महिन्याचा पगार किमान १ नोव्हेंबर पूर्वी मिळावा अशी मागणी शिक्षक परिषदेचे शिवनाथ दराडे यांनी केली आहे.