IT Layoff 2023 : एकीकडे संपूर्ण जगात मंदीचे सावट असताना आता गुगलची पॅरेंट कंपनी अल्फाबेटने कर्मचारी कपातीची घोषणा केली आहे.

हेही वाचा : मेडिकल मॅनेजमेंटही हृदयविकारावर ठरु शकते उपाय

कंपनीकडून २० जानेवारी रोजी केलेल्या घोषणेत म्हटले आहे की, कर्मचारी कपातीअंतर्गत कंपनी जगभरातील अंदाजे १२ हजार कर्मचारी किंवा ६ टक्के कर्मचारी कमी करण्याची योजना आखत आहे. याबाबत मनी कंन्ट्रोलने वृत्त प्रकाशित केले आहे.

मायक्रोसॉफ्ट कॉर्पोरेशनने १० हजार कर्मचाऱ्यांना कामावरून काढून टाकल्याच्या निर्णयाच्या काही दिवसांनंतर एवढ्या मोठ्या प्रमाणात कर्मचारी कपात करण्याचा निर्णय घेण्यात आला आहे.

कंपनीच्या या निर्णयाचा जगभरातील कर्मचाऱ्यांवर परिणाम होणार आहे. याबाबत कंपनीचे सीईओ सुंदर पिचाई यांनी कर्मचाऱ्यांना एक मेल पाठवला आहे.

यामध्ये त्यांनी घेण्यात आलेल्या निर्णयाची संपूर्ण जबाबदारी घेत असल्याचे म्हटले आहे. कर्मचारी कपात जागतिक असून, याचा सर्वाधिक परिणाम यूएसच्या कर्मचार्‍यांवर दिसून येईल असे Google ने म्हटले आहे.

स्विगीकडून कर्मचारी कपातीची घोषणा

दरम्यान, जागतिक मंदीच्या गर्तेत शुक्रवारी फूड डिलिव्हरी प्लॅटफॉर्म स्विगीने 380 कर्मचाऱ्यांना कामावरून काढण्याची घोषणा केली आहे. कापातीचा निर्णण खूप कठीण असल्याचे कंपनीने म्हटले आहे.  

याबाबत कंपनीच्या सीईओंनी कर्मचाऱ्यांना मेल पाठवत या निर्णयाबाबत माफी मागितली आहे. सर्व संभव्य गोष्टींचा विचार करून हा निर्णय घेण्यात आल्याचे कंपनीचे सीईओ श्रीहर्ष मॅजेती यांनी मेलमध्ये म्हटले आहे.