मुंबई : महाराष्ट्र लोकसेवा आयोगाने (MPSC)सहायक कक्ष अधिकारी मर्यादित विभागीय स्पर्धा परीक्षेचा निकाल आज सोमवारी (ता.३०) जाहीर केला आहे. एकूण ९३ पदांसाठी ही परीक्षा घेण्यात आली होती. परीक्षेत मंत्रालयीन विभागातून सुधाकर पंडित कोरे व महाराष्ट्र लोकसेवा आयोगाच्या कार्यालयातून राहुल रमेश मातकर प्रथम आले आहेत. (MPSC Announced Assistant Officer Competitive Exam Result)

- उमेदवारांच्या माहितीसाठी सदरील निकाल व सीमांकन गुण एमपीएससीच्या (MPSC) संकेतस्थळावर उपलब्ध करुन देण्यात आला आहे.

- प्रस्तुत अंतिम निकालाबाबत ज्या उमेदवारांना त्यांच्या उत्तरपत्रिकेतील गुणांची पडताळणी करावयाची आहे अशा उमेदवारांनी गुणपत्रके प्रोफाईलवर पाठविल्याच्या तारखेपासून १० दिवसांत आयोगाकडे ऑनलाईन पद्धतीने विहित नमुन्यात अर्ज करणे आवश्यक आहे.