केंद्रीय शिक्षण मंत्रालयाने मोठा निर्णय घेतला आहे. आतापर्यंत सीबीएसईच्या शाळा फक्त हिंदी आणि इंग्रजी भाषांमध्ये शिकवत होत्या. पण आता या शाळांमध्ये 22 भारतीय भाषांमध्ये अभ्यास करता येणार आहे.
शालेय शिक्षण आणि साक्षरता सचिव संजय कुमार म्हणाले की, राष्ट्रीय शैक्षणिक धोरण 2020 नुसार पाचवीपर्यंतच्या मुलांना त्यांच्या मातृभाषेत शिकवले जाणार आहे. शिवाय नवीन अभ्यासक्रमानुसार NCERT सोबत हिंदी आणि इंग्रजी भाषा शिकविण्याचा निर्णय घेण्यात आला आहे.
यावेळी शालेय शिक्षण आणि साक्षरता सचिव म्हणाले की आम्ही एनसीईआरटीला सांगितले आहे की, सीबीएसईचा संपूर्ण अभ्यासक्रम 22 भाषांमध्ये छापला जावा. या भाषांचा भारतीय राज्यघटनेच्या कलम 8 मध्ये उल्लेख आहे. यासंदर्भात सीबीएसईने आपल्या सर्व 28 हजार शाळांना आदेश जारी केला आहे.
मुलं आपल्या मातृभाषांमध्ये बोर्डाची परीक्षा देऊ शकतात, असं ही संजय कुमार यांनी सांगितले. यामुळे समानतेला चालना मिळेल. NCERT लवकरच ही पुस्तके डिजिटल स्वरूपात उपलब्ध करून देणार आहे.
यावेळी संजय कुमार म्हणाले की, राष्ट्रीय शैक्षणिक धोरण 2020 अंतर्गत घेण्यात आलेला हा निर्णय अत्यंत दूरगामी ठरणार आहे. माझ्या मते, राष्ट्रीय शैक्षणिक धोरण हे भारताच्या भविष्याचा डीएनए आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.