सध्या प्रसार भारतीमध्ये 25,188 जागा रिक्त आहेत, त्यापैकी 9,869 जागा दूरदर्शनमध्ये आणि 15,319 आकाशवाणीमध्ये आहेत. संसदेत सादर करण्यात आलेल्या दळणवळण आणि माहिती तंत्रज्ञानावरील स्थायी समितीच्या 34व्या अहवालात हे नमूद करण्यात आले आहे. त्यामुळे प्रसार भारतीमधील 25,188 रिक्त पदांबाबत एका संसदीय समितीने कठोर भूमिका घेतली आहे. या समितीने म्हटले आहे की, माहिती आणि प्रसारण मंत्रालयांकडे वारंवार शिफारस करूनही रिक्त पदांमध्ये फक्त 2,855 पदांची वाढ झाली आहे.

अहवालानुसार, मनुष्यबळाच्या अभावामुळे संस्था आणि क्षमतेवर वाईट परिणाम होऊ नये म्हणून संसदीय समितीने मंत्रालयाला अधिक वेळ न घालवता प्रसार भारतीतील रिक्त पदे भरण्यासाठी ठोस पावले उचलण्याची विनंती केली आहे. त्यात म्हटले आहे की, 2021-22 या वर्षाच्या अहवालाचा आढावा घेतल्यावर मंत्रालायने दूरदर्शन आणि आकाशवाणीमध्ये अनुक्रमे 10,247 आणि 12,086 रिक्त जागा असल्याचे सूचित केले होते.

रिक्त पदे भरण्यासाठी वारंवार शिफारसी करूनही फक्त 2,855 पदे भरण्यात भरण्यात आली. त्यामुळे त्याची दखल घेतल्याचे समितीने म्हटले आहे. याचे कारण विचारले असता मंत्रालयाने, आकाशवाणी आणि दूरदर्शनच्या रिक्त जागा भरणअयासाठी प्रसार भारती भर्ती मंडळाची स्थापना 1 जुलै 2020 रोजी करण्यात आली, असे सांगितले. त्यानुसार आता लवकरच जागा निघणार असून https://prasarbharati.gov.in/ या वेबसाईटवर तुम्हाला अधिक माहिती मिळू शकेल.