Indian Post Recruitment 2021 : बारावीनंतर सरकारी नोकऱ्या शोधणाऱ्या तरुणांसाठी एक उत्तम संधी उपलब्ध झालीय. बिहार सर्कल ऑफ इंडिया पोस्टमध्ये पोस्टल असिस्टंट आणि पोस्टमनसह अनेक पदांच्या भरतीसाठी अधिसूचना (Notification) जारी करण्यात आलीय. जारी करण्यात आलेल्या अधिसूचनेनुसार, एकूण 60 पदांची भरती केली जाणार आहे.

Indian Post च्या बिहार सर्कलमध्ये या रिक्त पदांसाठी अर्ज प्रक्रिया सुरू झालीय. अर्ज करण्यासाठी उमेदवारांना 31 डिसेंबर 2021 पर्यंत मुदत देण्यात आलीय. या पदांकरिता अर्ज करण्यासाठी इच्छुक उमेदवारांना अधिकृत वेबसाइटला indiapost.gov.in भेट द्यावी लागणार आहे.

रिक्त जागांचा तपशील : Indian Post मध्ये विविध पदांसाठी भरती प्रक्रिया सुरू झाली असून अर्ज करण्याची अंतिम तारीख 31 डिसेंबर 2021आहे. या भरती अंतर्गत एकूण 60 पदांची भरती केली जाणार आहे.

पोस्टल सहाय्यक- 31 पदे

एमटीएस - 13 पदे

सहाय्यक - 11 पदे

पोस्टमन - 5 पदे

असा करा अर्ज

• अर्ज करण्यासाठी सर्वप्रथम अधिकृत वेबसाइटला indiapost.gov.in भेट द्या.

• त्यानंतर वेबसाइटवरील मुख्यपेजवर असणाऱ्या Recruitments लिंकवर क्लिक करा.

• आता बिहार सर्कलमधील स्पोर्ट्स कोटा अंतर्गत पोस्टल असिस्टंट/सॉर्टिंग असिस्टंट, पोस्टमन आणि एमटीएस कॅडरसाठी थेट भरतीच्या पर्यायावर क्लिक करा.

• त्यानंतर आपला संपूर्ण अर्ज भरून नोंदणी करा.

• नोंदणी केल्यानंतर तुम्ही अर्ज भरू शकता.

पात्रता : या रिक्त पदांनुसार, पोस्टल असिस्टंट पदासाठी उमेदवार मान्यताप्राप्त बोर्डातून 12 वी उत्तीर्ण असावा. यासोबतच, उमेदवाराची निवड झाल्यास त्याला जॉइनिंग लेटर मिळण्यापूर्वी 60 दिवसांचे मूलभूत संगणक प्रशिक्षण घ्यावे लागेल.