मुंबई : केंद्रीय लोकसेवा आयोगाची परीक्षा सर्वांत कठीण समजली जाते. यात कसे प्रश्न विचारले जातील याचा काहीच नेम नसतो. केंद्रीय लोकसेवा आयोगाची परीक्षा पूर्व परीक्षा, मुख्य परीक्षा आणि मुलाखत अशा तीन टप्प्यांमध्ये होते.

पूर्व परीक्षा बहुपर्यायी आणि मुख्य परीक्षा सैद्धांतिक असते. मुलाखतीमध्ये व्यक्तिमत्त्व चाचणी घेतली जाते. मुलाखत उत्तम झाल्यास निवड होण्याची शक्यता वाढते. या मुलाखतीमध्ये विचारल्या जाणाऱ्या प्रश्नांचे स्वरूप पाहू या...

मानवानंतर सर्वांत समजूतदार जीव कोणता समजला जातो ?

माणसानंतर डॉल्फिन मासा सर्वांत समजूतदार मानला जातो.

सफरचंद कापल्यानंतर काही वेळाने त्याचा रंग का बदलतो ?

सफरचंदामध्ये कॅटीचिन, पॉलीफिनॉल आणि कॅफीटेनिन ही आम्ले असतात. सफरचंद कापल्यानंतर त्यातील आम्ल हवेत मिसळते. त्यामुळे रंग बदलतो.

अशी कोणती गोष्ट आहे जी वाटली जाते पण खाल्ली जात नाही ?

पत्ते वाटले जातात पण खाल्ले जात नाहीत.

एखादा मुलगा मेमध्ये जन्माला आला आणि त्याचा वाढदिवस जूनमध्ये आहे, हे कसं शक्य आहे ?

तो मुलगा जिथे जन्माला आला त्या जागेचं नाव मे असेल.

कोणत्या गोष्टीला हेड आणि टेल असते पण बाकीचं शरीर नसतं ?

नाणे.

अर्धं कापलेलं सफरचंद कसं दिसतं ?

अर्ध्या कापलेल्या सफरचंदासारखं.

एखादी व्यक्ती २४ तासांत किती वेळा श्वास घेते ?

१७ ते ३० हजार वेळा