सातारा : श्रीमंत छत्रपती प्रतापसिंह हायस्कूलमध्ये (Chhatrapati Pratapsingh High School) भारतरत्न डॉ. बाबासाहेब आंबेडकर (Dr. Babasaheb Ambedkar) यांचे प्राथमिक शिक्षण झाले आहे. या शाळेत येण्याचे भाग्य मला लाभले. या शाळेने अनेक थोर व्यक्ती घडविल्या असून, ही शाळा ऐतिहासिक असून, याचे जतन केले पाहिजे. या शाळेत विविध सोयी-सुविधा उपलब्ध केल्या जातील, असा विश्वास महिला व बालविकासमंत्री ॲड. यशोमती ठाकूर (Adv. Yashomati Thakur) यांनी व्यक्त केला.

डॉ. बाबासाहेब आंबेडकर यांचे प्राथमिक शिक्षण झालेल्या श्रीमंत छत्रपती प्रतापसिंह हायस्कूलला महिला व बालविकासमंत्री ॲड. ठाकूर यांनी भेट देऊन शाळेची पाहणी केली. या वेळी जिल्हा कार्यक्रम अधिकारी (बालकल्याण) रोहिणी ढवळे, जिल्हा महिला व बाल विकास अधिकारी विजय तावरे यांच्यासह शिक्षण विभागातील अधिकारी, तसेच विविध संस्थांचे पदाधिकारी उपस्थित होते.

ॲड. ठाकूर म्हणाल्या, ‘‘श्रीमंत छत्रपती प्रतापसिंह हायस्कूलमध्ये डॉ. बाबासाहेब आंबेडकर यांचे प्राथमिक शिक्षण झाले. त्या शाळेत येण्याचे मला भाग्य लाभले. या शाळेने अनेक थोर व्यक्ती घडविल्या आहेत. ही शाळा ऐतिहासिक असून, याचे जतन केले पाहिजे. डॉ. आंबेडकर यांनी आपल्याला संविधान दिले आहे. या संविधानामुळे सर्वांना समान जगण्याचा हक्क दिला आहे. डॉ. आंबेडकर यांचे प्राथमिक शिक्षण झालेल्या शाळेत आल्यानंतर सकारात्मक ऊर्जा मिळाली आहे. राज्य शासन त्यांच्याच विचारांवर काम करीत असून, शाळेच्या सोयी-सुविधांसाठी प्रयत्न करणार आहे.’’