उत्तर प्रदेशाच्या (UP Election 2022) निवडणूक प्रचारा दरम्यान सभेमध्ये सत्कार करताना एक व्यक्ती पंतपधानांच्या पाया पडते. यावेळी नरेंद्र मोदी त्यांचा हात पकडतात आणि स्वत: त्यांच्या पाया पडतात. हा व्हिडिओ वाणिज्य आणि उद्योगमंत्री पीयूष गोयल (Piyush Goyal) यांनी शेअर केला आहे. त्याचबरोबर त्यांनी पंतप्रधान नरेंद्र मोदी (Narendra Modi) यांना उगाच नाही 'प्रधान सेवक' म्हणतात अशा शब्दात त्यांचे कौतुक केले आहे. यावर सपा चे प्रमुख अखिलेश यादव (Akhilesh Yadav) यांनी रायबरेलीत प्रचारा दरम्यान टीका केली आहे.

भाजपवर (BJP) निशाणा साधताना अखिलेश यादव म्हणतात, बँका लुटून पळून गेलेले उद्योगपतीही कोणाशी तरी जोडलेले आहेत, हे साऱ्या देशाला माहीत आहे. मी एका भाजप खासदाराला अशाच एका उद्योगपतीला कृतज्ञतेने भेटताना पाहिले, असे वाटले की तो पाकिस्तानच्या पंतप्रधानांच्या पायाला स्पर्श करत आहे असा निशाणा त्यांनी लगावला.

भाजप हा गोंधळलेला पक्ष आहे. नेताजी मुलायम सिंह यादव जवळ आले किंवा दूर गेले तरी त्यांना अडचण वाटते. त्यांच्या कुटुंबियांबद्दल काहीही न बोलल्याबद्दल भाजपने माझे आभार मानले पाहिजेत. मी त्यांच्या विषयी एक शब्दही उच्चारत नाही. कारण हे मतदान, बेरोजगारी, महागाई कमी व्हावी म्हणून काम करतात असेही ते म्हणाले.