Kasba Chinchwad By-Election Result: पुण्यातील कसबा पेठ आणि चिंचवड पोटनिवडणूकीच्या प्रचाराच्या तोफा शुक्रवारी सायंकाळी थंडावल्या. भाजप आणि महाविकास आघाडीने केलेल्या प्रतिष्ठेच्या या पोटनिवडणूकीत दोन्ही पक्षांकडून दिग्गज नेत्यांच्या फौजा प्रचारासाठी पुण्यात तळ ठोकून होत्या.

दोन्हीही बाजूने स्टार प्रचारकांची कोणतीच कमी नव्हती. मुख्यमंत्री एकनाथ शिंदे यांच्यापासून ते राष्ट्रवादीचे अध्यक्ष शरद पवार देखील या निवडणूकीत उतरले होते.

दरम्यान या दोन्ही जागांसाठी रविवारी मतदान पार पडलं आहे. कसबा पोटनिवडणूकीत एकूण ५०.६ टक्के मतदान पार पडलं. तर चिंचवडमध्ये ५०.४७ पार पडलं आहे. कसब्यात प्रतिष्ठेच्या लढतील कोण बाजी मारणार हे उद्या समजणार आहे.

तर चिंचवड पोटनिवडणूकीत तिरंगी लढत आहे. त्यामुळे या ठिकाणी देखील चुरशीची लढत पाहिला मिळणार. दरम्यान गुरूवारी सकाळी ८ वाजता मतमोजणीला सुरुवात होणार आहे.

कसबा पेठेसाठी मतमोजणी कोरेगाव पार्क येथील धान्य गोदामात होणार आहे. तर चिंचवडसाठी मतमोजणी थेरगाव येथील शंकरअण्णा गावडे कामगार भवनात होणार आहे. निकालाची पहिली फेरी सकाळी ८.३० वाजेपर्यंत समोर येईल.

कसब्याच्या मतमोजणीकरिता १४ टेबल करण्यात आले असून मतमोजणीच्या २० फेऱ्या होणार आहेत. तर चिंचवडमध्ये मतमोजणीकरिता १५ टेबल तर ३७ फेऱ्या होणार आहेत. राज्याचे विधिमंडळाचे अधिवेशन सुरु असल्यामुळे निकाल येताच पडसाद अधिवेशनात उमटण्याची शक्यता आहे.

कसबा आणि चिंचवड पोटनिवडणूकीचा निकाल सर्वात आधी पाहण्यासाठी सकाळच्या पेजला भेट द्या.