नवी दिल्ली : निवडणुका जाहीर होण्यापूर्वीच मध्य प्रदेशात भाजपला अँटिइन्कम्बन्सीचा फटका बसेल असं सांगितलं जात होतं. त्याचबरोबर गेल्या निवडणुकीप्रमाणं यंदाही काँग्रेसचं मध्य प्रदेशात सरकार स्थापन करेल अशा चर्चा होत्या.

पण याच फॅक्टरवर भाजपनं गांभीर्यानं काम केलं, या अँटिइन्कम्बन्सीचा फील कमी करण्याासाठी भाजपनं खास रणनिती राबवली अन् त्याचा परिणाम आज दिसूनही आला. याचं विश्लेषण भाजपचे सरचिटणीस विनोद तावडे यांनी केलं आहे. (Madhya Pradesh Election 2023 Result BJP strategy to reduce anti incumbency feeling)

काय होती भाजपची स्ट्रॅटेजी

तावडे म्हणाले, "भाजपची निवडणूक संचालनाची आगळीवेगळी व्यवस्था असते. त्यानुसार मध्य प्रदेशात आपण जर महिला मतदारांची संख्या वाढवली तर आपल्याला इथं जो अँटिइन्कम्बन्सीचा फील येतो तो कमी होईल. १८ वर्षे शिवराज सिंह चौहान मुख्यमंत्री आहेत त्यामुळं पुन्हा तोच चेहरा का? असं वाटणारा एक वर्ग असू शकतो. (Latest Marathi News)

एक त्यांना चाहणारा तर अजून किती वर्षे असं वाटणाराही एक वर्ग आहे. त्यामुळं भाजपनं मध्य प्रदेशात आणखी पाच सिनिअर चेहरे दिले. त्यामुळं या लोकांना असं वाटलं की बहुधा मुख्यमंत्रीपदासाठी आणखी चेहरे येऊ शकतात. यांसारख्या बारीक गोष्टी पक्षाच्या नेतृत्वानं हाताळल्या. त्याचाच निकाल मध्य प्रदेशात दिसतो आहे. (Marathi Tajya Batmya)

छत्तीसगडमध्ये दोन मुद्दे महत्वाचे

छत्तीसगमध्ये सुद्धा महादेव अॅपचा विषयातला भ्रष्टाचाराचा मुद्दा आणि आदिवासींमधील भाताच्या किंमतीचा विषय होता हे दोन्ही मुद्दे योग्य प्रकारे हँडल झाले. त्यामुळं एका बाजुला भ्रष्टाचाराविरोधातील मुद्दे असतील तर दुसऱ्या बाजुला रोजच्या रोज गरजेचे मुद्दे असतील याचं कॉम्बिनेशन भाजपच्या नेतृत्वानं खूप चांगलं केलं.