Pune By Election News: कसबा पेठेतील पोटनिवडणुकीत भाजपला मोठा धक्का बसला आहे. भाजपच्या बालेकिल्याला महाविकास आघाडीने सुरुंग लावला आहे. कसबा पोटनिवडणुकीत महाविकास आघाडीचे उमेदवार रवींद्र धंगेकर यांनी प्रतिस्पर्धी हेमंत रासने यांना पराभवाची धूळ चारली आहे.

कसबा पेठ मतदार संघात भाजपकडून हेमंत रासने यांना उमेदवारी जाहीर झाल्यानंतर काँग्रेसकडून रविंद्र धंगेकर यांच्या नावाची घोषणा करण्यात आली होती. काँग्रेसचे आमदार संग्राम थोपटे यांच्याकडे कसब्याची निरीक्षक पदाची जबाबदारी होती. ही जबाबदारी थोपटे यांनी चांगल्या प्रकारे पार पाडली.

जरी ही निवडणूक राज्यातील नेत्यांनी प्रतिष्ठेची केली तरी देखील थोपटे यांनी पडद्यामागे राहून धंगेकर यांच्या विजयासाठी सूत्र फिरवली. सोबतच पक्षातील बंडखोरी थोपवण्यात त्यांना यश मिळालं.

त्यांनी आखलेली रणनीती, जुन्या कार्यकर्त्यांना दिलेला मानसन्मान आणि राष्ट्रवादी,शिवसेना (ठाकरे) आणि मित्र पक्षांबरोबर योग्य ताळमेळ त्यांनी ठेवला त्यामुळे धंगेकर यांना ही निवडणूक सोपी होऊन गेली.

विरोधी पक्षाने देशातील, राज्यातील नेत्यांना प्रचाराला उतरावून देखील भाजपला आपला बालेकिल्ला राखता आला नाही. म्हणून धंगेकर यांच्या विजयामध्ये जेवढ वाटा राज्यातील नेत्यांचा आहे. तेवढाच वाटा पडद्यामागून संग्राम थोपटे यांचा देखील आहे.