मराठवाडा, विदर्भ आणि खान्देशात पारंपरिक पद्धतीने केले जाणारे डाळीचे फुडके यांची रेसिपी आज आपण पाहणार आहोत. काही भागात याला मुटकुळे देखील म्हणतात. घरात असलेल्या डाळी किंवा डाळीचा चुरा ह्यापासून तयार होणारा पारंपरिक पदार्थ म्हणजे फुडके आणि सोबतीला असते ताकाची कढी. विशेष म्हणजे यात आपण आपल्या आवडीची कोणत्याही दाळी वापरू शकतो.

डाळीच्या फुडक्यासाठी लागणारे साहित्य

1) १वाटी हरभरा डाळ (चनाडाळ)

2) अर्धी वाटी मुगडाळ

3) लसुन ,आलं, हिरवी मिरची

जिरं, हींग, हळद ,मीठ ,सोडा चवीनुसार

4) कांदे -2(बारीक चिरलेले)

5) तेल

6) कोथिंबीर भरपूर

7) पाणी

*दाळीच्या फुडक्यासाठी लागणारे साहित्य

1) १वाटी हरभरा डाळ (चनाडाळ)

2) अर्धी वाटी मुगडाळ

3) लसुन ,आलं, हिरवी मिरची

जिरं, हींग, हळद ,मीठ ,सोडा चवीनुसार

4) कांदे -2(बारीक चिरलेले)

5) तेल

6) कोथिंबीर भरपूर

7) पाणी

कृती -

• सर्वप्रथम दोन्ही डाळी स्वच्छ पाण्याने धुवून घ्यायच्या .

• नंतर त्या दोन्ही दाळी वेगवेगळ्या भांड्यात भिजु घालायच्या साधारणपणे दाळी 6 ते 7 तास भिजत ठेवल्यानंतर ते पाणी फेकून दयायचे. आणि डाळी धुऊन घ्यायच्या.

• धुतलेल्या दाळी चाळणीवर काढून त्यातील सगळं पाणी निघुन जाऊ दयायचे .नंतर मग मिक्सरमध्ये दाळी, हिरव्या मिरची ,लसूण ,जिरं वाटून घ्या.

• मिक्सर मधुन काढतांना मात्र हे मिश्रण जरा जाडसर काढा.

• नंतर सर्व मिश्रण एका भांडयात काढून त्यात कापलेला कांदा ,हींग ,हळद ,मीठ ,थोडे तेल ,भरपूर कोथिंबीर ,आणि सोडा आणि दाळीचे बारीक केलेले मिश्रण छान एकजीव करुन घ्या .

• नंतर हाताने त्याचे छोटे छोटे फुडके (मुटकुळे)करून गॅसवर एका पातेल्यात पाणी ठेवुन त्यावर ताराची चाळणी ठेवुन त्यावर फुडके टाकुन झाकण ठेवा .त्याला 20 मिनिटे चांगल वाफेवर होऊ दया. (ताराच्या चाळणीला फुडके टाकण्याआधी थोडे तेल लावा जेणेकरुन ते चाळणीला चिकटणार नाही)

• मग 20 मिनिटानंतर आरामात झाकण काढून .एकदा चाचपणी करून बघा फुडके शिजले की नाही.

• शिजले असल्यास त्यावर छान थोडसं तेल टाकुन तुम्ही ते मसाल्याच्या भाजी ,ताकाची कढी सोबत किंवा पोळीसोबत घाऊ शकता