दिवाळी सण हा सर्वांचा आवडीचा सण. हा सण काही दिवसांवर आलाय. दिवाळीचा फराळ हा शक्यतो घरीच बनवणे पंसत करतात. लाडू, चकली चिवडा, शंकपाळे सर्व पदार्थ घरीच बनवितात. घरच्या घरीच तोंडात टाकताच विरघळणारा म्हैसूरपाक तुम्ही बनवू शकता. काहींना म्हैसूरपाक खूप आवडतो. चला तर मग म्हैसूरपाकची रेसिपी जाणून घेऊयात.

साहित्य

- एक वाटी हरभरा डाळीचे पीठ

- तीन वाट्या पातळ तूप

- दोन वाट्या साखर

- पाऊण वाटी पाणी

कृती

-चमचाभर तुपावर डाळीचे पीठ किंचित भाजा. नंतर साखरेत पाणी घालून साखर मंद आचेवर विरघळून घ्या.

- साखर विरघळल्यावर पीठ घालून मिसळा.

- लगेचचवरुन गरम तुपाची धार धरत एका हाताने मिश्रण हलवा. नंतर कालथ्याने मिश्रण ढवळत राहा.

- तूप पिठात मिसळते, बुडबुडे येतात, जाळी दिसते.

- त्याच्या कडेने तूप सुटल्यावर, मिश्रणातून बाहेर यायला लागल्यावर (साधारण तूप घातल्यानंतर10-11 मिनिटांनी) पातेले खाली उतरवून मिश्रण घोटून घ्या.

- आता मिश्रणाचा गोळा मधोमध तुपात दिसतो. बाजूचे तूप काढून घेऊन मिश्रण थाळ्यात ओता.

- जरा थंड झाल्यावर त्याचे वड्या पाडा. अशारितीने तुमचे म्हैसूरपाक तयार झाले आहेत.

(संदर्भ: पुस्तक- दिवाळी फराळ, सकाळ प्रकाशन, लेखिका-जयश्री कुबेर)