Healthy Snacks : मुलांचे खाण्यापिण्याचे नाटकं असतात, त्यांना मोजून तीन चार भाज्याच खायच्या असतात. बाकी कोणतीही भाजी केली तर ते नाटकं करत खात नाहीत.. पण अशाने त्यांना ताकद कशी मिळेल याकाळजीने आई बाबा त्रस्त असतात. या न खाणाऱ्या भाज्यांमधली सर्वात महत्वाची भाजी म्हणजे वांगी. पण तुम्ही याच टिपीकल वांग्याला जरा हटक्या पद्धतीने मुलांना खाऊ घालू शकतात, ती रेसिपी म्हणजे वांग्याची भजी.

साहित्य:

- 1 वांग

- 1/2 डाळीचं पीठ

- 1 टिस्पून तांदूळ पिठ

- 1/2 टिस्पून हळद

- 1 टिस्पून तिखट

- 1/4 टिस्पून जिरे

- चवीपुरते मिठ

- तळण्यासाठी तेल

कृती:

1) वांग्याचे गोल पातळ काप करा. मिठाच्या पाण्यात काप 10 मिनीटं घालून ठेवा.

2) डाळीच्या पिठात पाणी घालून गुठळ्या न होता नेहमी बटाटे वड्यासाठी जितके घट्ट भिजवतो त्यापेक्षा थोडे पातळ भिजवा, ज्यामुळे वांग्याच्या कापांना पिठाचं कमी आवरण होईल आणि थोडा कुरकूरीतपणा येईल.

3) डाळीच्या पिठात तांदळाच पिठ, लाल तिखट, जिरे, मिठ, हळद घाला. जर घरात असेल तर थोडा ओवा, चिरलेली कोथिंबीर घाला.

4) कढईत तेल गरम करा. डाळीच्या पिठात वांग्याचे काप बुडवून तळून काढा. हिरवी चटणी किंवा लसणाच्या चटणीबरोबर गरम गरम भजी सर्व्ह करा.