औरंगाबाद: शरीराला आरोग्यादायी असणारं मशरूमचं सूप सर्दी झाल्यावर तसेच पावसाळ्यातही एक चांगला पर्याय म्हणून पाहिला जातो. विशेष म्हणजे हे सूप तुम्ही कोणत्याही ऋतुमध्ये घेऊ शकता. हे सुप कमी वेळात बनवता येतं. 

सूपसाठी कोणत्या प्रकारचे मशरूम सर्वोत्तम?
आपण आपल्या आवडीनुसार कोणत्याही मशरूमची निवड करू शकता. तसेच आपण ताजे तपकिरी, क्रिमीनी किंवा मिनी पोर्टेबेलो मशरूम वापरू शकता, हे या कृतीसाठी योग्य आहेत.

साहित्य
1 चमचा तेल, 10 मशरूम, मध्यम आकाराचा चिरलेला 1 कांदा,
1 वेजेटेबल स्टॉक क्यूब (600 मि.ली. उकळलेल्या पाण्यात मिसळलेला), 425 मिली लो फॅट दूध, मीठ चवीनुसार

कृती-
एक सॉसपॅन तेल गरम करा. नंतर त्यात मशरूम आणि कांदा टाका. काही वेळ ते चांगलं भाजून घ्या. नंतर त्यात स्टॉक आणि दूध टाका. त्यानंतर ते चांगलं उकळून घ्या. १० ते १५ मिनिटे शिजवा. एकदा मशरूम शिजलं आहे का ते तपासून पहा. त्यानंतर ते सूप ब्रेडस्टीक किंवा क्रोटॉनसोबत सर्व करा.

संपादन- अर्चना बनगे