साहित्य:

● दोन वाटी तांदळाचे पीठ

● एक मोठया नारळाचा किस

● एक वाटी गूळ

● मीठ

● जायफळ पूड

● वेलची पूड

● तळण्यासाठी तेल

● तूप

कृती:

सुरुवातीला एका परातीमध्ये नारळाचा कीस आणि बारीक केलेला गूळ घ्यावा.नंतर यात जायफळ पूड, वेलची पूड आणि मीठ मिक्स करून घ्यावे. या तयार मिश्रणात मध्ये जेवढे लागते तेवढेच तांदळाचे पीठ थोडे थोडे करत मिक्स करत जावे.

फक्त नारळाचा कीस हा तांदळाच्या पीठा पेक्षा थोडा जास्त असला पाहीजे, तरच छान टेस्ट येते.

हे मिश्रण अजिबात पाणी न वापरता तयार करायचे आहे. शेवटी तयार मिश्रण थोडे तूप हाताला लावून मऊसर मळून घ्यावे. तयार मिश्रणाचा गोळा झाकून अर्धा तास तसाच बाजूला ठेवून द्यावा. यामुळे ते व्यवस्थित मिळून येते.

तसेच गुळाचे थोडे मोठे असलेले तुकडे देखील विरघळून जातात.तयार पिठाला तुपाचा हात लावून लहान-लहान गोळे बनवून त्याच्या छोटया-छोटया पुर्‍या करून घ्याव्या.(श्रीखंड पुरी करतो त्या मधील पुरी प्रमाणे) थोडी जाडसर, पण आकाराने छोट्या अश्या पुर्‍या थापाव्यात.

तेल कडकडीत तापवून घ्यावे. आपण वडे तळतो त्या प्रमाणे या पुर्‍या तेला मध्ये मध्यम गॅसवर दोन्ही साईडने मस्त खुसखुशीत, लालसर रंगावर तळून घ्यावे. नारळी पौर्णिमेला दाखवल्या जाणाऱ्या नैवेद्यासाठी अशा नारळी भाताला पर्याय म्हणूनपुर्‍या करतात. फार तर 20 मिनिटांत या पुऱ्या तयार होतात.

दुधाबरोबर,चहाबरोबर किंवा सकाळचा नाष्टा म्हणून खायला हरकत नाही. चविष्ट लागतातच आणि पौष्टिक ही आहेत.या पाककृती मध्ये तांदळाचे पीठ वापरत असल्याने काही ठिकाणी याच रेसिपी ला ‘गुळा- नारळाचे वडे' असे देखील म्हणतात.

उकडीच्या मोदकाचे सारण उरले असेल तर त्याच्या देखील सेम अश्याच तांदळाच्या पिठा मध्ये मिक्स करून पुर्‍या बनवता येतात. मैदा आणि गव्हाचे पिठ एकत्र करुन ‘नारळाच्या पोळ्या किंवा सांजोर्या/ साटोर्‍या' बनवल्या जातात. ती रेसिपी वेगळी आहे आणि वेगवेगळ्या पद्धतीने केली जाते.(Latest Marathi News)