Healthy Breakfast Recipe : सकाळी उठल्यानंतर कडकडून भूक लागलेली असते आणि रोजचा प्रश्न असतो तो म्हणजे आजचा नाश्ता काय? तेच तेच पोहे आणि उपमा, डोसा खाऊन कंटाळा आला असेल तर तुम्ही घरच्या घरी अगदी कितीही घाई असली तरीही पटकन असा नाश्ता बनवू शकता. सकाळी उठल्यानंतर नेहमी हेल्दी खावं असं सांगण्यात येतं. तसंच भरपेट नाश्ता केला तर दिवसभर तुम्ही उत्साही राहाता. असाच एक पदार्थ म्हणजे तांदळाची उकड.

तांदळाची उकड

कृती

2 ग्लास ताक

2 मोठे चमचे तांदूळ पीठ

2 हिरव्या मिरच्या

कोथिंबीर

चवीनुसार मीठ

2-3 लसूण पाकळ्या

थोडंसं किसलेलं आलं

चिमूठभर साखर

मोहरी

तेल

कृती

Step 1: आलं, लसणाच्या पाकळ्या आणि मिरच्या एकत्र ठेचून घ्या.

Step 2: ताकामध्ये हे घाला.

Step 3: त्यामध्ये मीठ, साखर आणि तांदळाचं पीठ घालून नीट मिक्स करून घ्या.

Step 4: हे मिश्रण जास्त घट्ट किंवा जास्त पातळ ठेवू नका. दुसऱ्या कढईत एक चमचा तेल घाला.

Step 5: त्यात मोहरी, जिरे, हिंग, हळद, कडीपत्ता घालून फोडणी द्या.

Step 6: लगेच वरून हे ताकातल तयार मिश्रण ओता आणि ढवळून झाकून ठेवा.

Step 7: एक उकळी काढून त्यात कोथिंबीर घाला.

Step 8: त्यानंतर शिजल्यावर काढून डिशमध्ये सर्व्ह करा.

खाताना याबरोबर वरून कच्चं तेल घेतलं तर ते अजून चविष्ट लागतं.