नागपूर : उन्हाळ्याच्या दिवसामध्ये घरीच विविध प्रकारचे लोणचे (Different types of pickles) तयार केली जातात. तसेच मुरब्बा (murabba) देखील तयार केला जातो. काही गोड पदार्थ तयार करण्यासाठी पाक तयार केला जातो. मात्र, कधी चुकीने हा पाक अधिक तयार होते. अशावेळी प्रश्न उपस्थित होते या पाकाचे काय करायचे? चला तर आपण पाकापासून सरबत कसे तयार करायचे हे जाणून घेऊ... (Make-syrup-from-the-rest-of-the-amla-murabba)

उन्हाळ्यात थंड होणाऱ्या फळांमध्येही आवळाचा उल्लेख आहे. हे लहान फळ खूप फायदेशीर आहे. विशेषतः यातून बऱ्याच प्रकारचे पाककृती बनवता येतात. मुरब्बा घरीही तयार करता येतो व बाहेरूनही खरेदी करता येतो. मात्र, मुरब्बा संपल्यानंतर साखरेचा पाक शिल्लक राहतो. अशावेळी तो पाक सहसा फेकून दिला जातो. मात्र, याच पाकाचा उन्हाळ्यातील पेय तयार करण्यासाठी केला जाऊ शकतो. ते कसे हेच आपण पाहूया...

लागणारी सामग्री

एक कप आवळ्याच वाचलेला पाक, तीन कप पाणी, एक चमचा आल्याचा रस, एक चमचा पुदिना रस, एक चमचा लिंबाचा रस, अर्धा चमचा काळे मीठ व अर्धा चमचा भाजलेला हिंग जिरा पावडर.

तयार करण्याची पद्धत

सर्वांत अगोदर आवळ्याचा उरलेला पाक एका भांड्यात काढा. हा पाक गोठलेला नाही ना याची खात्री करा. जर पाक गोठला असेल तर त्यात पाणी टाकून एकदा उकळून घ्या. पाक थंड झाल्यानंतर त्यात आले आणि पुदिनाचा रस टाका. नंतर हे मिश्रण ग्लासमध्ये घेऊन त्यावर मीठ आणि भाजलेले हिंग जिरा पावडर टाका. इच्छेनुसार बर्फाचे तुकडे टाकल्यानंतर तुमचे सरबत तयार होईल.

संकलन - नीलेश डाखोरे

(Make-syrup-from-the-rest-of-the-amla-marmalade)