Sprout Chat Recipe: कधी कधी आपल्या सगळ्यांची सकाळी खूप गडबड होते, कधी ऑफिसच्या मिटिंग कधी मुलांमुळे तर कधी आपल्यालाच उठायला उशीर होत असतो म्हणून... अशात एक गोष्ट जी लोकं अगदी सहजपणे टाळतात अन् ती म्हणजे त्यांचा सकाळचा नाश्ता. 

पण असं करणं खरंच खूप चुकीच आहे म्हणून खास तुमच्यासाठी स्प्राऊट चाट, बनवायला खूप सोपी आणि झटकीपट होणारी अशी रेसिपी आणि घरातल्या सगळ्यांसाठीच हेल्दी.

साहित्य: 

- एक कप उकडलेले किंवा मोड आलेले मिक्स कडधान्य 

- पाव कप पाण्यात भिजवलेले किंवा उकडलेले शेंगदाणे 

- पाव कप चिरलेला कांदा 

- पाव कप चिरलेला टोमॅटो 

- दोन चमचे बारीक चिरलेली कोथिंबीर

- एक चमचा लिंबाचा रस 

- चवीनुसार मीठ

- चवीनुसार तिखट

- एक चमचा चाट मसाला

कृती: 

- ज्यांना मोड आलेली कडधान्ये कच्ची खाल्ल्याने त्रास होत नाही, त्यांनी ती कच्चीच खावीत. ज्यांना त्रास होतो त्यांनी ती उकडून घ्यावीत.

- कडधान्ये, टोमॅटो, कांदा एका बाऊलमध्ये टाकावा.

- त्यात इतर मसाले, मीठ टाकावे

- त्यानंतर त्यावर लिंबाचा रस टाकावा व नंतर कोथिंबीर टाकून सगळे मिश्रण हलवून घ्यावे.

- हेल्दी स्प्राऊट चाट रेसिपी तयार