Egg Sandwich : नाश्ता करणं खूप महत्वाचं आहे, बहुदा तिन्ही जेवणातला सर्वात महत्वाचा प्रकार म्हणजे नाश्ता. रोज नाश्ता करण्याची सवय खूप चांगली कारण याने आपले अनेक आजरांपासून संरक्षण होते शिवाय दिवसभरही थकवा जाणवत नाही.

घरातल्या कोणाचीही लाइफस्टाईल सेम नाही, प्रत्येकजण आपल्या वेगळ्या शेड्यूल सोबत दिवसभर काम करत असतो. अशात सकाळचा नाश्ता नुसताच भरपेट नसावा तर तो पौष्टिक सुद्धा हवा. शिवाय तो मुलांना आवडायला हवा नाहीतर काही खरं नाही.

म्हणून एग सँडविच. बघूयात याची फक्त ३ मिनिटात होणारी रेसिपी.

साहित्य :

- २ उकडलेली अंडी

- १ बारीक चिरलेला कांदा

- १ बारीक चिरलेला टोमॅटो

- १ बारीक चिरलेले गाजर

- चवीनुसार मीठ

- आवडीनुसार काळी मिरी

- चवीनुसार तिखट

- २ ब्रेड स्लाईस

- २ चमचे तेल

कृती :

१. एक बाउल घ्या आणि त्यात अंडी, कांदे, टोमॅटो आणि गाजर घाला आणि सर्वकाही चांगले मिसळा.

२. आता त्यावर मीठ, मिरपूड आणि तिखट टाकून चांगले मिसळा.

३. आता एक पॅन घ्या आणि त्यात थोडे ऑलिव्ह तेल गरम करा.

४. अंड्याचे मिश्रण मल्टीग्रेन ब्रेडच्या दोन तुकड्यांमध्ये भरा आणि ते कुरकुरीत होईपर्यंत पॅनमध्ये टॉस करा.