आइस्क्रीमचं (Ice-cream) नाव ऐकल्यावर अनेकांच्या तोंडाला पाणी सुटतं. आता अशा परिस्थितीत आइस्क्रीम खाल्ल्याशिवाय कोण राहिल बरं? साहजिकच अनेकजण आइस्क्रीम खाण्याचे बहाणे शोधत राहतात. पण एकेकाळी लोक आपल्या आवडत्या गोष्टींसोबत असा प्रयोग करतात, ज्यामुळे सगळ्यांच्याच मनात घर करून जातं. हल्ली आइस्क्रीमच्या बाबतीतही असंच झालंय. आता जर कोणी आइस्क्रीमचा अगदी विचित्र प्रयोग केला तर मग ते लोक गप्प कुठे बसणार होते? याचा परिणाम सोशल मीडियावरही (Social Media)पाहायला मिळाला.

यावेळी मॅकडोनाल्डने (McDonald's) आइस्क्रीमचा असा प्रयोग केला की, जो लोकांना अजिबात आवडला नाही. खरं तर मॅकडोनाल्डने चीनमध्ये (China) कोथिंबिरीने सजवलेलं खास आइस्क्रीम बाजारात आणलं आहे. फास्ट फूड चेन चालविणाऱ्या या बड्या कंपनीने Cilantro Sundae नावाचे हे डेजर्ट लिमिटेड एडिशन म्हणून सादर केलयं. 25 फेब्रुवारीपर्यंतच लोकांना उपलब्ध असणार आहे. आइस्क्रीम म्हणजेच आपल्या कोथिंबिरीच्या चटणीत धणे (Coriander) आणि लेमन सॉस टाकले जातात. या आइस्क्रीमची किंमत भारतीय चलनात जवळपास 77 रुपये ठेवण्यात आली आहे.

हे आगळेवेगळे आइस्क्रीम सोशल मीडियावर टाकताच अनेकांना धक्काच बसला, तर काही जणांनी एकदा त्याची टेस्ट करण्याची इच्छा व्यक्त केलीय. कोथिंबिर असलेले हे आइस्क्रीम लोकांमध्ये चर्चेचा विषय बनला आहे. लोकांच्या आवडत्या गोष्टींसोबत असा प्रयोग करण्याची ही काही पहिलीच वेळ नाहीयेय. पण दरवेळेप्रमाणे यावेळीही लोक या नव्या डिशमुळे खूप नाराज दिसत आहेत.