Navratri Recipe: सध्या सगळीकडे नवरात्रीची जय्यत तयारी सुरू आहे. नवरात्रीच्या नऊ दिवस उपवास केले जातात तसेच देवींची आराधना केली जाते. पण नवरात्रीच्या नऊ दिवसांमध्ये उपवासाला काय खायचं हा प्रश्न कायम असतो आज आम्ही तुम्हाला उपवासाची एक हटके रेसिपी सांगणार आहोत. चला तर जाणून घेऊया.

साहित्य :-  कच्ची केळी, शिगाड्याचं पीठ, राजगिऱ्याचं पीठ, दाण्याचं कुट, खाण्याचा सोडा, हिरव्या मिरच्या, खाण्याचा सोडा, साखर, जिऱ्याची पूड, दही कोथिंबीर आणि मीठ.

कृती:-

•  केळी सोलून घ्यावी त्यानंतर कुकरमध्ये उकडून घ्यावी. 

•  थंड झाल्यावर त्यात जिरंपूड, मीठ आणि मिरचीची पेस्ट घालावी.

•  या मिश्रणाचे गोल चपटे वडे करून घ्यावेत. 

•  शिंगाडा आणि राजगिऱ्याचं पीठ पाण्यात घालून पातळ करावं आणि तयार केलेले वडे या पिठात बुडवून काढून तळावेत. 

•  तळलेले वडे पाण्यात घालून बाहेर काढून हलक्या हाताने दाबून पाणी काढून टाकावं. 

•  दही थोडं घुसळून घेऊन त्यात वाटलेलं आलं, साखर, मीठ, चिरलेली कोथिंबीर घालावी. 

•  नंतर तयार केलेले वडे या दह्यात सोडावेत. या दहीवड्यावर लाल किंवा मीठ घ्यावे. आणि दहीवड्यांचा आस्वाद घ्यावा.