लहांनापासून ते अगदी मोठ्यांपर्यंत सर्वांना स्नॅक्समध्ये काहीतरी नवीन खाण्याची हौस असते. बहुतेक लोकं ब्रेकफस्टमध्ये ब्रेडचा वापर करतात. अशावेळी तुम्ही कुरकुरीत ब्रेडसोबत पनीरच्या सॉफ्टनेसने स्नॅक्सच्या चवीला एक वेगळा तडका देऊ शकता. अगदी झटपट पद्धतीने तुम्ही पनीर ब्रेड रोल्स बनवू शकता. यासाठी ब्राऊन ब्रेडचाही वापर करता येईल. पनीर ब्रेड रोल बनवण्याची रेसिपी जाणून घेऊया.

साहित्य:

सहा ब्रेड

एक कप पनीर (किसलेले)

एक चमचा आले-लसूण पेस्ट

लाल तिखट

गरम मसाला

चाट मसाला

टोमॅटो सॉस

कोथिंबीर

चवीनुसार मीठ

बटर

कृती:

पनीर ब्रेड रोल बनवण्यासाठी प्रथम ब्रेड घ्या आणि त्याची काट काढून घ्यावे. एका भांड्यात पनीर, आले-लसूण पेस्ट, बटर, सर्व मसाले आणि सॉस मिक्स करा. ब्रेडवर हलके पाणी लावून तयार केलेला पनीर मसाला भांड्यात भरा.

हलके पाणी लावून ब्रेडला रोलचा आकार द्यावे.आता तेल गरम करा आणि तयार रोल मंद आचेवर गोल्डन ब्राऊन होईपर्यंत तळावे.चविष्ट पनीर ब्रेड रोल तयार आहेत, चहा किंवा सॉस बरोबर सर्व्ह करा.