इराणमध्ये समोशाला सम्सा किंवा सेनबोगास असे म्हटले जाते. तेथून तो दिल्लीत मुघलांचे राज्य असताना भारतात आला आणि सगळ्यांच्या चवीत बसला. आज भारताच्या प्रत्येक प्रातांत समोसा हा प्रकार मिळतो. साधरणपणे तेराव्या शतकात इराणमधल्या आचाऱ्यांनी तो तयार केला असावा. इ. स. 1300 च्या सुमारास कवी आमीर खुसरो यांनी समोसा या खाद्यपदार्थाचा उल्लेख केलेला आढळतो.

आजच्या लेखात आपण पनीर समोसे घरच्या घरी कसे तयार करायचे याची रेसिपी बघणार आहोत.

साहित्य:

● एक वाटी बारीक खिसलेले पनीर

● एक बारीक चिरलेला कांदा

● एक चमचा लाल तिखट

● अर्धा लिंबाचा रस

● मीठ

● एक वाटी मैदा

● एक बारीक चिरलेली हिरवी मिरची

● अर्धा चमचा जिरे

● बटर

● समोसे तळायला तेल

पनीर समोसे कसे तयार करायचे?

सर्वप्रथम एका बाऊलमध्ये मैदा, बटर आणि मीठ घ्या. नंतर हे पीठ छान मिक्स करून मळून घ्या. पीठ मळतांंना ते थोडे घट्ट असे मळावे. आता पीठ मळून घेतल्यानंतर ओल्या सुती कापडाने थोडा वेळ झाकून ठेवावे.

आता लोखंडी कढईत थोडेसे तेल मध्यम आचेवर गरम करावे. जिरे घालून फोडणी दयावी. नंतर त्यात कांदे, हिरव्या मिरच्या घालून एक-दोन मिनिटे परतून घ्यावे.

त्यात लाल तिखट, लिंबाचा रस, मीठ आणि खिसलेला पनीर घालावा. हे मिश्रण चांगले एकजीव मिसळून आणि दोन मिनिट शिजू द्यावे.

आता समोसा बनवण्यासाठी पिठाचे छोटे गोळे तयार करावे आणि पिठाच्या छोट्या छोट्या गोळ्याच्या लहान पुर्‍यांमध्ये लाटून घ्याव्या. चाकूच्या मदतीने त्या लहान पुऱ्या अर्धे कापून घ्याव्या. नंतर अर्धी पुरी घेऊन आणि तळहाताच्या काठाचा वापर करून शंकूचा आकार द्या. या पनीरच्या मिश्रणात एक किंवा दोन चमचे भरावे. किंचित पाण्याने दुमडून कडा बंद करा. हीच प्रक्रिया इतर समोशांसोबतही करावे.

नंतर लोखंडी कढईत तेल गरम करून कढईत समोसे काळजीपूर्वक ठेवा आणि मध्यम-उच्च आचेवर तळून घ्यावे. समोसे गोल्डन ब्राऊन झाल्यावर बाहेर काढा.

अशा रितीने घरच्या घरी पनीर समोसे तयार आहे हे समोसे तुम्ही गोड आंबट चटणीसोबत खाऊ शकता.