पुणे: अनेकांना रोज तेच तेच जेवण बनवून आणि खाऊन कंटाळा येतो. अशावेळी वेगळं काहीतरी बनवून खाण्याची इच्छा होते. अशावेळी काय बनवावे याच विचारात अनेकजण बसून राहतात. चला एक सोपी आणि घरगुती रेसिपी जाणून घेऊयात. जी तुम्हाला वेगळी चव मिळेल. त्या डिश च नाव आहे मिश्र डाळीच्या पाट वड्या. चला जाणून घेऊयात त्याची रेसिपी.

साहित्य:

- हरभरा डाळ - १/२ वाटी

- मूग डाळ - १/२ वाटी

- तूर डाळ - १/४ वाटी

- खोबरे खीस - ४ चमचे

- बारीक चिरलेली कोथिंबीर - १ मूठभर

- मोहरी, जिरे, हिंग, हळद - फोडणी पुरते

- वाटलेली हिरवी मिरची - चवीनुसार (४-५ मिरच्या पुरेश्या होतात)

- तेल - २ मोठे चमचे

- मीठ - चवीनुसार

- साखर - १ छोटा चमचा

- खसखस - १ चमचा

कृती:

- सर्व डाळी सुमारे ३ तास भिजत घालून सरबरीत वाटून घ्याव्यात. त्यात मीठ, साखर, मिरची मिसळावे.

- पातेल्यात तेल, मोहरी, जिरे, हिंग, हळदीची फोडणी करावी.

- आवडत असल्यास ४-५ पाने कढीपत्ता घालावा.

- या फोडणीवर वाटलेल्या डाळींचा गोळा घालून एकजीव करून वाफवून घ्यावा.

- ताटाला थोडे तेल लावून त्यावर वाफवलेल्या डाळींचा गोळा हाताला थोडे पाणी लावून गरम असतानाच थापावा.

- वरून खसखस, खोबरे खीस, कोथिंबीर घालावी.

- थोडे गार झाल्यावर वड्या पाडाव्यात.