वांगी  किंवा वांग्याची भाजी सगळ्याच्या घरात होत असते. कोणालाही साधी सोपी तयार केलेली वाग्यांची भाजी फारशी आवडत नसते. पण तेच जर  भरलेली वांगी असेल तर घरातील लोकं आवडीने ते खातात. चला तर मग जाणून घेऊया, विदर्भ स्पेशल भरली वांगी मसाला कशी तयार करायची? याची सविस्तर रेसिपी..

साहित्य:

एक पाव मध्यम काटेरी वांगी

मुठभर भाजलेले शेंगदाणे

किसलेले सुके खोबरे

एक चमचा पांढरे तीळ

अर्धा चमचा गोडा मसाला

चार ते पाच लसूण पाकळ्या

एक चमचा आलं पेस्ट

एक चमचा जीरे

कोथिंबीर

एक मोठा कांदा बारीक चिरून

एक टोमॅटो बारीक चिरून

हळद

1 चमचा काश्मिरी लाल तिखट

1 चमचा घरचं लाल तिखट

गूळाचा खडा

मीठ चवीनुसार

शेंगदाणा तेल

एक चमचा बेसन

कृती

कढई मध्ये जीरे,खोबरे भिजून घ्यावे. त्यांनतर त्यात तीळ, लसूण,आलं, कोथिंबीर घालून परतून घ्यावे. हे सगळ मस्त पाच मिनिटे छान भाजून घ्यावे.

ब्लेंडरमधे हे मिश्रण काढून घ्यावे. व त्यात भाजलेले शेंगदाणे घालून पाणी न चालता वाटून घ्यावे. वाटलेले मिश्रण प्लेटमध्ये काढून त्यात कांदा, टोमॅटो,तिळ तिखट,हळद,गोडा मसाला,बेसन मीठ, कोथिंबीर आणि दोन चमचे शेंगदाणे तेल घालून मिक्स करून घ्यावे. या तेलामुळे छान चव येते.

वांग्याचे काटे काढून घ्यावे. चिरा पाडून त्यात हा मसाला भरून घ्यावा. कढईत तेल गरम करून त्यात हा उरलेला मसाला चांगला भाजून घ्यावा. नंतर त्यात टोमॅटो घालून परतून घ्यावा.

गूळाचा खडा घाला. व तयार वांगी घालून मसाला मिक्स करा. थोडं गरम पाणी घालून मंद आचेवर वांगी 10 ते 15 मिनिटे शिजू द्यावे. गरम पाण्यामुळे रंग छान टिकून राहतो.

गरमागरम वांगी भाकरी सोबत सर्व्ह करा.