अनेकांना गोड खाण्याची सवय असते. जेवणासोबत तर गोड काहीतरी हवंच असतं. पण त्यातही अनेकजण वजन वाढण्याच्या भीतीने गोड खाण्यास टाळतात. पण तुम्हाला माहीती आहे का असा गोड पदार्थ ज्यामुळे तुमचं वजन अजिबात वाढणार नाही ते म्हणजे अननसाचा शीरा. आज आपण अननसाचा शीरा किंवा हलवा कसा करायचा? जाणून घेणार आहोत.

साहित्य :

२ वाट्या अननस तुकडे बारीक चिरून

१ वाटी खवा

१ वाटी साखर

४-५ चेरी चिरून

२ चमचे तूप.

कृती :

• अननस चिरून हलक्या हाताने पिळून घ्यावा.

• नंतर त्यात साखर मिसळावी आणि कढईत तूप टाकून त्यावर ते मिश्रण परतावे.

• १० ते १२ मिनिटे परतावे. मंद आचेवर शिऱ्याइतपत कोरडेसर होऊ द्यावे.

• मग त्यात खवा हाताने मोडून घालावा. पुन्हा ४-५ मिनिटे परतावे.

• गाजर हलव्याप्रमाणे मोकळे होऊ द्यावे, मग उतरवावे.

• वरून चिरलेल्या चेरीज टाकाव्यात.

• उपासासाठी एक वेगळी स्विट डिश म्हणून करता येईल.