पुणे : ब्रेकफास्ट मध्ये तुम्हाला पुरी, कचोरी किंवा पराठा मिळाला तर मजा येते. जर त्यात मसालेदार बटाटा करी किंवा मसालेदार टोमॅटो चटणी असेल तर ते सोने पर सुहागाच. टोमॅटोची आंबट-गोड चटणी आरोग्यासाठीही चांगली असते. ही चटणी खूप चवदार लागते. ही चटणी खायलाच चांगली नाही तर बनवण्यासही सोपी आहे.

साहित्य:

टोमॅटो - 1 किलो

गूळ - 250 ग्रॅम

बडीशेप - 1 टीस्पून

तेल - 1 टेस्पून

हळद - चिमूटभर

लाल तिखट - १ टिस्पून

व्हिनेगर - टीस्पून

चाट मसाला - टीस्पून

मीठ - चवीनुसार

काळी मिरी - चवीनुसार

कृती:

-सुरवातीला तुम्हाला टोमॅटो पाण्याने स्वच्छ करावे लागतील आणि नंतर ते बारीक चिरून घ्या.

- आता एक कढई घ्या आणि तेल गरम करा.

- तेल गरम झाल्यावर त्यात बडीशेप किंवा जिरे देखील वापरू शकता.

- यानंतर, पॅनमध्ये चिरलेला टोमॅटो घाला. टोमॅटो थोडावेळ पॅनमध्ये ठेवा आणि नंतर त्यात हळद, लाल तिखट, चाट मसाला, मीठ आणि मिरपूड घाला. हे मिश्रण चांगले शिजू द्या.

- त्यानंतर गूळ घाला. तुम्ही गुळाबरोबर थोडेसे पाणी घालू शकता, ज्यामुळे गुळ लवकर वितळण्यास सुरवात होईल.

- गूळ वितळला की चटणी घट्ट होईल आणि पाणी कमी होईल. असे झाल्यावर चटणीमध्ये व्हिनेगर घाला. त्यानंतर आणखी काही वेळ शिजवा.

- चटणी शिजल्यावर कोथिंबीरने सजावट करू शकता.

- तयार टोमॅटो चटणी गरम गरम पराठा किंवा पुरी बरोबर सर्व्ह करा.