हिवाळातील गुलाबी थंडी आणि त्यासोबत गरमा गरम टोमॅटो सूप...

हे वाचून तुमच्या तोंडाला पाणी सुटलं असेल ना. सूप प्यायची ईच्छा झाली की अनेकदा आपण बाजारातून पॅक केलेले तयार सूप आणतो पितो पण तरी मन भरतं नाही मग अशावेळी बाजारातून पॅक आणलेल्या सूपापेक्षा चवदार सूप घरी तयार करून पिले तर मग मन भरू शकतं. पण एक प्रश्न कायम राहतो हे सूप घरी तयार कसे करायचे? याच प्रश्नाच खास उत्तर देणारी चवदार टोमॅटो सूपाची रेसिपी आज आपण पाहणार आहोत.

सुरूवातीला पाहू या टोमॅटो खाण्याचे फायदे

1) टोमॅटोमधील लाल रंग हा त्यातील लाइकोपीनमुळे प्राप्त होतो, जे आरोग्यासाठी खूपच फायदेशीर ठरते. 

2) टोमॅटोमध्ये सायटीक अॅसिड असते. याशिवाय प्रोटीन, व्हिटॅमीन्स, मिनरल्स आणि फायबरची मात्राही भरपूर असते. 

3) टोमॅटो मध्ये व्हिटॅमीन सी, व्हिटॅमीन ए, व्हिटॅमीन, ई व्हिटॅमीन आणि व्हिटॅमीन के चा खूप चांगला स्त्रोत असतो. 

व्हिटॅमीन के हा शरिरासाठी फायदेशीर आहे.

4) टोमॅटोमधील रक्त गोठविण्याचं काम हे व्हिटॅमीन के करते. त्यामुळे स्त्रीयांसाठी हे फार उपयोगी आहे.

ही सर्व व्हिटॅमीन्स आरोग्यासाठी खूप चांगली मानली जातात. 

5) व्हिटॅमीन ए ची मात्रा असल्यानं टोमॅटो डोळ्यांसाठी खूपच फायदेशीर आहे. टोमॅटोमध्ये मँगनीज, पोटॅशिअम, कॅल्शिअम, मॅग्नेशिअम, झिंक,आर्यन, फॉस्फरस, आणि कॉपर यासारखी खनिजे असते ही खनिजे शरिरासाठी फार उपयोगी असतात. 

6) टोमॅटोमध्ये अँटीऑक्सिडेंट असल्यामुळे हदयरोगासारख्या आणि कॅन्सरसारख्या आजरापासून बचाव करण्यासाठी सहायक ठरते.

टोमॅटो सूप तयार करण्यासाठी लागणारे साहित्य

1) टोमॅटो - अर्धा किलो

2) आले लसूण पेस्ट

3) लवंगा - 2 ते 3

4) काळी मिरी -2 ते 3

5) तमालपत्र - 1

6) कांदा - बारीक चिरलेला

7) चवीनुसार मीठ

8) साखर - 1 चमचा

9) बटर - 1 चमचा

10) मलई - गार्निश साठी

कृती:

टोमॅटो, आले, लसूण, तमालपत्र आणि काळी मिरी अर्धा कप पाण्यात कुकरमध्ये 2 ते 3 शिट्ट्या करून उकळा.

थंड झाल्यावर मिक्सरमध्ये बारीक करून गाळून घ्या. गाळलेले मिश्रण एका भांड्यात ठेवा आणि गरम करा.

चवीनुसार मीठ आणि एक टीस्पून साखर घालून मिक्स करा. आता त्यात 1 चमचा बटर घाला.

1 ते 2 उकळी आल्यानंतर गॅस बंद करा. जर तुम्हाला सूप पातळ वाटत असेल तर 1 चमचा मैद्याचे पीठ 1 चमचे बटरमध्ये तळून घ्या आणि सूपमध्ये मिसळा.

फ्रेश क्रीम आणि ब्रेड क्रॉउटन्सने सजवून मस्त गरमागरम सूपावर ताव मारा.