वडापाव नुसतं म्हटलं जरी तरी तोंडाला पाणी सुटते. हल्ली गल्लो गल्ली वडापावचे स्टॉल दिसतात. प्रत्येक ठिकाणची, प्रांताची आपापली ओळख घेऊन हा वडापाव फेमस झाला आहे. दरवर्षी 23 ऑगस्ट हा जागतिक वडापाव दिवस म्हणून साजरा केला जातो. पण याची खरी सुरूवात मुंबईला झाली हे सगळ्यांना माहित आहे. म्हणून मुंबई वडापावला वेगळी ओळख ती आहेच. चला तर आजच्या वडापाव दिवसाचे औचित्य साधून घरच्या घरी मुंबईचा स्पेशल वडापाव कसा तयार करायचा? याची रेसिपी आज आपण पाहू या...

साहित्य:

अर्धा किलो बटाटे

मोहरी

हळद

लाल तिखट

आले लसूण

हिरवी मिरची

लिंबू

कोथिंबीर

कोटिंगसाठी तिन वाटी बेसन

सोडा

कृती:

सर्वप्रथम कुकरमध्ये बटाटे उकडून घ्यावे बटाटे उकडले की त्याची साल काढून टाकावी.

बटाटे थंड झाले की ते सगळे एकजीव कुस्करून घ्यावेदुसरीकडे हिरवी मिरची, आले, लसूण आणि कोथिंबीर बारीक चिरून घ्यावे. नंतर कढईत तेल गरम करून त्यात मोहरी , कढीपत्ता, हळद, मिरची घाला.

यानंतर फोडणीत बटाटे घालून एकजीव करून घ्यात्याचे छोटे छोटे गोळे करून तयार बेसन पिठात घोळवा.

कोटिंगचं मिश्रण जास्त पातळ नसेल याची काळजी घ्या.

यानंतर वडे तळून घ्या आणि मस्त गरम गरम वडे चटणी यावर ताव मारा .