Amla Chutney Recipe : आयुर्वेदात आवळ्याचे औषधी गुणधर्म सांगितल्या गेले आहे. याचे सेवन केल्याने तुम्हाला अनेक आरोग्यदायी फायदे मिळतात. म्हणूनच लोक साधारणपणे आवळ्याचे सेवन मुरंब्बा, लोणचे किंवा ज्यूसच्या स्वरूपात करतात. पण तुम्ही आवळा चटणी कधी चाखली आहे का? नसेल तर आज आम्ही तुमच्यासाठी आवळा चटणी बनवण्याची रेसिपी घेऊन आलो आहोत. ही चटणी बघताच तुमच्या तोंडाला पाणी सुटेल.

आवळा चटणी चवीने आणि पौष्टिकतेने परिपूर्ण आहे. याच्या वापराने तुमची दृष्टी आणि प्रतिकारशक्ती वाढण्यास मदत होते. एवढेच नाही तर आवळा चटणी तुमचे पोट निरोगी ठेवते, चला तर मग जाणून घेऊया आवळा चटणी कशी बनवायची.

आवळा चटणी बनवण्यासाठी लागणारे साहित्य-

• 8-10 आवळे

• १/२ इंच आल्याचा तुकडा

• 4 चमचे चिरलेली कोथिंबीर

• 4-5 पाकळ्या लसूण

• २-३ हिरव्या मिरच्या

• 1 टीस्पून मोहरीचे तेल

• चवीनुसार मीठ

आवळा चटणी कशी बनवायची?

आवळा चटणी बनवण्यासाठी सर्वप्रथम आवळा नीट धुवून घ्या.

नंतर आवळ्याचे बारीक आणि पातळ तुकडे करा.

यानंतर कोथिंबीर नीट धुवून बारीक चिरून घ्यावी.

नंतर हिरवी मिरचीही धुवून त्याचे बारीक तुकडे करा. (Recipe)

यानंतर या तिन्ही चिरलेल्या गोष्टी मिक्सीमध्ये टाका आणि 1 मिनिट बारीक करा.

नंतर आल्याचे तुकडे, लसणाचे तुकडे, तेल आणि चवीनुसार मीठ मिक्सरमध्ये टाका.

यानंतर, त्यात थोडे पाणी घाला आणि सुमारे 1 ते 2 मिनिटे ग्राइंड करा.

आता तुमची हेल्दी आणि चविष्ट आवळा चटणी तयार आहे. (Food)

तुम्हाला हवे असल्यास तुम्ही ते फ्रीजमध्ये ठेवून साधारण आठवडाभर सहज खाऊ शकता.