हिंगोली : हिंगोली (Hingoli) शहरात गणेश मूर्ती विसर्जनासाठी (Ganesh Visarjan) पालिका प्रशासनाने सहा ठिकाणी कृत्रिम तलाव उभारले असुन रविवारी (ता.१९) येथे घरोघरी स्थापन करण्यात आलेल्या गणेश मूर्तीचे विसर्जन केले जात आहे. ना बँड, ना ताशा, ना मिरवणूक, ना जयघोष शांतपणे केले जातेय गणपती विसर्जन. हिंगोली नगरपालिकेने (Hingoli Municipal Council) बाप्पाच्या विसर्जनासाठी शहरात सहा ठिकाणी कृत्रिम तलाव निर्माण करण्यात आले आहे. त्यामध्ये एनटीसीमध्ये महेश उद्यानात, गांधी चौक, नवीन नगर परिषद इमारत जवळ, अग्निशमन केंद्राजवळ, दत्त मंदिर परिसरात शिवाजीनगर, आदर्श कॉलनी पाण्याच्या टाकीजवळ तलाव निर्मिती करण्यात आली आहे.

यासह दोन फिरते विसर्जन कुंड गल्लोगल्ली जाऊन सुध्दा बाप्पाचे विसर्जन करण्याची व्यवस्था केली आहे. पालिका प्रशासनाने हिंगोलीकर भाविकांना विनंती केली आहे की, निर्माण केलेल्या कृत्रिम तलावांत विसर्जन करून पर्यावरणपूरक विसर्जन करून सहकार्य करावे असे आवाहन केले होते. त्याला हिंगोलीकर प्रतिसाद देत आहेत. यासह कयाधू नदी पात्र येथे तसेच जलेश्वर व सिरेहशहा बाबा तलाव या ठिकाणी देखील गणेशमूर्ती विसर्जनाची व्यवस्था करण्यात आले आहे.