भाद्रपद शुद्ध चतुर्थीला विघ्नहर्त्या गणेशाचे सर्वत्र आगमन झाले आहे. गणपती बाप्पाच्या मुर्तीचे दर्शन घेताना आपल्याला उंदीर मामाचेही दर्शन होते. मात्र बाप्पाचे रुप पाहून हा पिटूकला उंदीर गणेशाचे वाहन कसा झाला याबद्दल पुराणात अनेक कथा आहेत. बाम ऋषींच्या शापाने उंदीर झालेल्या गंधर्वाने पाराशर ऋषींच्या आश्रमात मांडलेल्या उच्छादाचीही कथा आहे. ही कथा जाणून घेण्यासाठी येथे क्लिक करा. आता आपण याच संदर्भाची मुषकराज राक्षसाची कथा जाणून घेणार आहोत.

पुराणातील कथेनुसार मुषकराज नावाच एक महाभयंकर आणि पराक्रमी राक्षस होता. त्याने पृथ्वीलोकासह देवलोकात उच्छाद मांडला होता. पृथ्वीवासी व सर्व देव त्याच्या या उच्छादाला हैराण झाले होते. त्यामुळे सर्वांनी महादेवाचा धावा केला. तेव्हा महादेवांनी हे विघ्न दूर करण्यासाठी विघ्नहर्त्या गणेशाला महादेवांनी आज्ञा केली. तेव्हा आपल्या पित्याची आज्ञा मान्य करत गणेशाने या राक्षसाचा विनाश करण्यासाठी पिता महादेवांचे आशिर्वाद घेतले. आणि त्याला रणभूमीमध्ये आव्हान दिले. गणेशासंगे मुषकराज राक्षसाने युद्ध सुरु केले. मात्र गणेशाच्या शक्तीपुढे मुषकराजाची शक्ती तरली नाही. गणपती बाप्पाने युद्धात राक्षसाला हरवले. आपले प्राण सोडताना या राक्षसाने गणेशाला वर मागितला.

गणेशानेही त्याला होकार देत काय वर हवा आहे ते विचारले. तेव्हा मुषकराज म्हणाला, कि मला तुमचे वाहन होण्याचा मान मिळावा. तेव्हा गणेशाने त्याला दिला मात्र तू माझे वाहन होशील ते तुझ्या नावाप्रमाणे मुषक राहशील. आणि त्याच क्षणी गणेशा समोर मुषक रुपामध्ये प्रकट झाला अन् गणपती बाप्पा त्याच्यावर स्वार झाले. अशाप्रकारे गणपती बाप्पाचे वाहन हे पिटूकला उंदीर झाला.