आजवर तुम्ही देवतांच्या रूपातील बाप्पाची मुर्ती पाहीली असेल. पण, प्रथमच चित्रपटातील एखाद्या हिरोची कॉपी करून गणेशाची मुर्ती बनवण्यात आली आहे. सध्या बाजारात पुष्पा स्टाईल गणेशाच्या मुर्ती दाखल झाल्या आहेत. काही मुर्ती आकर्षणाचे केंद्रबिंदू ठरले असून सोशल मीडियावर प्रचंड व्हायरल होत आहे.

काही ठिकाणी ‘पुष्पा’ रूपातील गणपतीच्या आकर्षक मूर्ती बणवण्यात आल्या आहेत. या मूर्तीला पांढऱ्या रंगाचा कर्ता पायजमा घालण्यात आला असून दोन्ही हातात सोन्याचे कडे घालण्यात आले आहेत. बाप्पाचे हे रूप अधिकच मनमोहक दिसत आहे.

दाक्षिणात्य सुपरस्टार अल्लू अर्जुनचा ‘पुष्पा द राइज’ हा चित्रपट तुफान गाजला होता. पुष्पाचे डायलॉग, त्याचा डान्स,त्याची स्टाईल चाहत्यांनी अक्षरश: डोक्यावर घेतली होती. चंदन तस्कराच्या आयुष्यावर आधारीत असलेल्या या चित्रपटाची क्रेझ आजही मोठ्या प्रमाणात पहायला मिळते.