गणेशोत्सवात गणपती बाप्पाला मोदकांचा प्रसाद दाखवताना मुलांच्या आवडीचा देखील विचार करा आणि ट्राय करा ड्रायफ्रुट्स मोदक. आजपासून गणेशोत्सव सुरू होत आहे. सार्वजनिक गणेशोत्सव प्रमाणेच घरोघरी बाप्पाचे आगमन होते. काही लोकांकडे दहा दिवसांचा उत्सव असतो तर काही लोकांकडे पाच किंवा दीड दिवसाचा उत्सव असतो. उत्सव कितीही दिवसांचा असला तरी बाप्पाला प्रिय असणाऱ्या मोदकांच्या प्रसादाशिवाय तो पूर्ण होत नाही. वेगवेगळ्या प्रकारचे मोदक बनवताना त्यात आज आपण खास ड्रायफ्रुट्स कसे तयार करायचे?

बाजारात सर्व प्रकारच्या वस्तू सहज उपलब्ध होत असल्या, तरी घरी बनवलेल्या प्रसादाची चव वेगळी असते. आपल्या लाडक्या बाप्पासाठी तुम्ही खास मोदक बनवू शकता. बाप्पासाठी ड्रायफ्रुट्सचे मोदक कसे बनवायचे ते आजच्या लेखात जाणून घेणार आहोत.

साहित्य:

8 ते 10 खजूर

अर्धा वाटी भाजलेले बदाम

अर्धा वाटी काजू

अर्धा वाटी ड्राय फ्रूट्स (पिस्ता,अक्रोड,)

मेपल सरबत

कृती:

ड्रायफ्रुट्सचे मोदक बनवण्यासाठी ड्रायफ्रुट्स हलके सोनेरी तपकिरी होईपर्यंत भाजून घ्यावे. नंतर खजूरमधील बिया काढून टाकाव्या. खजूर आणि इतर सर्व सर्व साहित्य एकत्र करून घ्यावे आणि ते कणिके सारखे होईपर्यंत बारीक करावे. त्या मिश्रणाने मोदक बांधणार नाहीत असे वाटत असेल तर आणखी काही खजूर घालून पीठ मळून घ्यावे.योग्य पीठ तयार झाल्यावर, मेपल सिरपने साच्याला ग्रीस करा आणि या मिश्रणाचा मोठा भाग घ्या आणि आत घाला. एक परिपूर्ण आकार तयार करण्यासाठी सर्व बाजूंनी पुरेसे मिश्रण घाला. त्याचप्रमाणे सर्व मोदक बनवा आणि बनवल्यानंतर फ्रीजमध्ये थंड होण्यासाठी ठेवा.