Bangkok Night Club Accident : राजधानी बँकॉकच्या आग्नेयेला थायलंडच्या चोनबुरी प्रांतातील माऊंटन बी नाईट क्लबमध्ये लागलेल्या आगीत 40 जणांचा मृत्यू झाला आहे. तर, 10 जण जखमी झाले आहेत, शुक्रवारी मध्यरात्री 1 वाजण्याच्या सुमारास ही घटना घडली, अशी माहिती एका पोलीस अधिकाऱ्याने दिली आहे.

थायलंडची राजधानी बँकॉकच्या आग्नेय भागातील चोनुबारी प्रांतातील सट्टाहिप जिल्ह्यात नाईट क्लबला गुरवारी मध्यरात्रीच्या सुमारास भीषण आग लागील. यात 40 जणांचा होरपळून मृत्यू झाला. तर, 10 जण जखमी झाले आहेत, अशी माहिती पोलीस अधिकाऱ्यांनी दिली आहे. बँकॉक पोस्टने मदत आणि बचाव कार्यात गुंतलेल्या सावंग रोजनाथम्मस्थान फाऊंडेशनच्या हवाल्याने आगीत 40 लोकांचा मृत्यू झाल्याची माहिती दिली आहे. आगीचे कारण अद्याप समजू शकलेले नाही.