नवी दिल्ली- दक्षिण प्रशांत महासागरात (South Pacific Ocean) आलेल्या 7.7 तीव्रतेच्या भूकंपामुळे (Earthquake) सुनामी (Tsunami)  आल्याची माहिती आहे. ऑस्ट्रेलियाच्या हवामान विभाग ब्यूरोने ट्विट करत याची पुष्टी केली आहे. या सुनामीमुळे लॉर्ड होवे द्वीपवर धोका निर्माण झाला आहे, हा भाग ऑस्ट्रेलियाच्या मुख्य भूमिच्या जवळपास 550 किमोमीटर पूर्वेला आहे. ऑस्ट्रेलियाच्या हवामान विभागाने सांगितले की, लॉयल्टी द्वीप समूहाजवळ 7.7 तीव्रतेचा भूकंप आला आहे. ऑस्ट्रेलिया आणि न्यूझीलँडसाठी या सुनामीचा कोणताही धोका नाही. 

भारतीयांच्या गळ्यातील ताईत हिमा दास आता बनणार 'डीएसपी'

अमेरिकी जियोलॉजिकल सर्व्हेने म्हटलं की न्यूझीलँड, न्यू कॅलेडोनिया, वानुअतु आणि जवळपासच्या अन्य देशांसाठी सुनामीचा इशारा जारी करण्यात आला आहे. भूकंप स्थानिक वेळेनुसार गुरुवारी रात्री कॅलेडोनियाच्या उत्तर भागात जवळपास 415 किलोमीटर पूर्वेला आला. एनडब्ल्यूएस प्रशांत सुनामी वॉर्निंग सेंटरने सांगितलं की येत्या काळात भूकंपामुळे धोकादायक सुनामी लाटा येऊन शकतात. फिजी, न्यूझीलँड आणि वानुअतुच्या किनाऱ्यावर 0.3 ते 1 मीटरपर्यंत लाटा येऊ शकतात. 

लोकांना समुद्र किनाऱ्यापासून दूर जाण्यास सांगितले

न्यूझीलँडच्या नॅशनल इमरजेंसी मॅनेजमेंट एजेन्सीने सांगितले की, किनारी भागात राहणाऱ्या नागरिकांनी तेथून दूर जावे. एजेन्सीने सांगितलं की, 7.7 तीव्रतेच्या भूकंपामुळे न्यूझीलँडच्या किनारी भागात सामान्य ते मजबूत लाटा अनुभवायला मिळण्याची शक्यता आहे. या भागातील लोकांनी समुद्राच्या जवळ जाऊ नये. तसेच बंदर आणि नद्यांपासून दूर रहावे. एजेन्सीने एक नकाशा जारी केलाय. या प्रभावीत क्षेत्राची माहिती देण्यात आली आहे. न्यूझीलँडच्या उत्तर द्वीपच्या सुदूर उत्तरेला, ऑकलँडच्या पूर्वेला ग्रेट बैरियर द्वीप आणि देशाच्या पूर्व किनाऱ्यावर याचा प्रभाव जाणवू शकतो. 

सरकारीबाबूंसाठी गूड न्यूज! एकाच कुटुंबातील लोक स्वतंत्रपणे घेऊ शकतात LTC चा...

न्यूझीलँडच्या उत्तर भागात सुनामीचा इशारा देण्यात आला आहे. ऑस्ट्रेलिया, कुक आयलँड आणि अमेरिकन समोआसह इतर जवळपासच्या भागात छोट्या आणि सामान्य लाटांचा इशारा देण्यात आला आहे. भूकंप किंवा सुनामीमुळे आतापर्यंत जीवित किंवा वित्तहानी झाल्याची माहिती मिळालेली नाही. त्यामुळे ऑस्ट्रेलिया आणि न्यूझीलँडकडून धोक्याचा इशारा मागे घेण्यात आला आहे.